പണി ഇരന്നു വാങ്ങല്ലേ...! അബുദബിയില് അനധികൃത ടാക്സി വാഹനത്തില് കയറുന്നവർക്കും പിഴ, മുന്നറിയിപ്പുമായി അബുദബി പോലീസ്
അനധികൃതമായി സര്വീസ് നടത്തുന്ന സ്വകാര്യ കാറുകളിൽ കയറുന്നവരും ഇനി പിഴ ഒടുക്കണമെന്ന് അബുദബി പോലീസിന്റെ മുന്നറിയിപ്പ്. നഗരത്തില് നിന്നും അടുത്ത പ്രദേശങ്ങളിലേക്കും ചുറ്റുവട്ടങ്ങളിലും അനധികൃതമായി സര്വീസ് നടത്തുന്ന വാഹനങ്ങളില് കയറിയാലും പിടിക്കപ്പെട്ടാൽ പിഴ അടയ്ക്കേണ്ട അവസ്ഥയാണ്.
അതേപോലെ സ്വകാര്യ ഉടമസ്ഥതയിലുള്ള വാഹനങ്ങളില് അനധികൃതമായി യാത്രക്കരെ കൊണ്ടുപോകുന്നവര്ക്കെതിരെയും ശക്തമായ നടപടിയുണ്ടാകും.ഇതിന് പുറമേ ആണ് വാഹനത്തില് യാത്ര ചെയ്യുന്നവര്ക്കും പിഴ ചുമത്തുന്നത്. യാത്രക്കാരുടെ സുരക്ഷക്ക് ഇത് ഭീഷണിയാണെന്നതിനാലാണ് ഇത്തരത്തിലൊരു മുന്നറിയിപ്പ്.
സ്വകാര്യ വാഹനങ്ങളില് അനധികൃതമായി യാത്രക്കാരെ കൊണ്ടുപോകുന്നത് സാമൂഹികവും സാമ്ബത്തികവും സുരക്ഷാപരവുമായ പ്രത്യാഘാതങ്ങള് ഉണ്ടാക്കുന്നു. സ്വകാര്യ കാറുകള് ഉപയോഗിച്ച് ടാക്സി സര്വീസ് നടത്തുന്ന ചില ഡ്രൈവര്മാര്ക്ക് യു എ ഇ ലൈസന്സ് ഇല്ലെന്നും അനധികൃതമായി രാജ്യത്ത് തങ്ങുന്നവരാകാമെന്നും പോലീസ് പറഞ്ഞു. അനധികൃത ടാക്സികളായി പ്രവര്ത്തിക്കുന്ന സ്വകാര്യ വാഹനങ്ങളില് കയറരുതെന്നും ജനങ്ങളോട് അബുദബി പോലീസ് അഭ്യര്ഥിച്ചു.
സംയോജിത ഗതാഗത വകുപ്പുമായി സഹകരിച്ച് അനധികൃത ടാക്സികള്ക്കെതിരെ ശക്തമായ നടപടി സ്വീകരിക്കുമെന്നും നിയമലംഘകരെ പിടികൂടുന്നതിനായി പരിശോധന ക്യാമ്പയിനുകള് ശക്തമാക്കിയതായും അബുദബി പോലീസ് പറഞ്ഞു.നിയമവിരുദ്ധമായി യാത്രക്കാരെ കൊണ്ടുപോകുന്നത് സമൂഹത്തിന്റെ ആരോഗ്യത്തിനും സുരക്ഷക്കും ഗുരുതരമായ പ്രത്യാഘാതങ്ങള് ഉണ്ടാക്കും.
അനധികൃത വാഹനങ്ങളില് കയറി യാത്രക്കാര് അപകടത്തില്പ്പെടുകയാണെന്ന് ഉദ്യോഗസ്ഥര് ചൂണ്ടിക്കാട്ടി. അനധികൃതമായി യാത്രക്കാരെ കയറ്റിയാല് 3,000 ദിര്ഹം പിഴയും 24 ട്രാഫിക് പോയിന്റുകളും കാര് 30 ദിവസത്തേക്ക് പിടിച്ചെടുക്കലുമാണ് ശിക്ഷ.
അപകടം നടന്നാല് ഡ്രൈവര് അജ്ഞാതനോ ലൈസന്സില്ലാത്തവരോ ആയകിനാൽ നിയമപരമായ നടപടിക്രമങ്ങള് ബുദ്ധിമുട്ടാണ്. അനധികൃതമായി യാത്രക്കാരെ കടത്തിക്കൊണ്ടു പോകുന്ന ആയിരക്കണക്കിന് സ്വകാര്യ കാറുകള് പോലീസ് പിടിച്ചെടുത്തു.അന്താരാഷ്ട്ര സുരക്ഷാ ആവശ്യകതകള്ക്കും മാനദണ്ഡങ്ങള്ക്കും അനുസൃതമായി അംഗീകൃതവും ലൈസന്സുള്ളതുമായ ടാക്സികള് മാത്രമേ താമസക്കാര് ഉപയോഗിക്കാവൂവെന്നും അബുദബി ട്രാഫിക് ഡിപ്പാര്ട്ട്മെന്റ് ട്രാന്സ്പോര്ട്ടേഷന് സെക്യൂരിറ്റി ഇന്വെസ്റ്റിഗേഷന്സ് ഡയറക്ടര് മേജര് താലിബ് സലേം അല് കല്ബാനി പറഞ്ഞു.
അനധികൃത ടാക്സികള് ജനങ്ങളുടെ ജീവനും സ്വത്തിനും ഭീഷണിയാണ്. എല്ലാവരുടെയും സുരക്ഷ കാത്തുസൂക്ഷിക്കുന്നതിനായി, നിയമവിരുദ്ധമായ ഗതാഗതത്തെ ചെറുക്കുന്നതില് അധികാരികളുമായി സഹകരിക്കാനും ജാഗ്രത പാലിക്കാനും ഞങ്ങള് ജനങ്ങളോട് അഭ്യര്ഥിക്കുന്നുവെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
