എന്താണെന്ന് അറിയില്ല പ്രവാസികൾക്ക് ഇപ്പോൾ വളരെ നല്ല കാലമാണ്. അടുത്തിടെയായി ദുബൈയിൽ നടന്ന നറുക്കെടുപ്പുകളിൽ പ്രവാസികളും വിജയികളാകുന്ന കാഴ്ച്ചയാണ് കാണാൻ സാധിക്കുന്നത്. കോടികൾ ഒറ്റടയിക്ക് സ്വന്തമാക്കിയ സന്തോ‌ഷത്തിലാണ് വിജയികളായവർ. ഇപ്പോഴിത കോടികൾ സ്വന്തമാക്കിയ കൂട്ടത്തിൽ ഒരു പ്രവാസി മലയാളിയും കൂടെ എത്തിയിരിക്കുകയാണ്.

ദുബായ് ഡ്യൂട്ടി ഫ്രീ മില്ലേനിയം മില്യണെയർ നറുക്കെടുപ്പിൽ ഏഴ് കോ‌ടിയിലധികം രൂപയാണ് മലയാളിയായ കോശി വർഗീസിന് സമ്മാനത്തുകയായി ലഭിച്ചിരിക്കുന്നത്. വർഷങ്ങളായി നറുക്കെടുപ്പിൽ പങ്കെടുക്കുന്ന വ്യക്തിയാണ് അദ്ദേഹം. ഇത്തവണയാണ് ഭാഗ്യ ദേവത കലാക്ഷിച്ചത്. ഒരു മില്യൺ യു.എസ് ഡോളർ, കൃത്യമായി പറഞ്ഞാൽ 7,90,81,500 രൂപയാണ് സമ്മാനത്തുകയായി ലഭിക്കുക.‘

വർഷങ്ങളായി ഭാഗ്യം പരീക്ഷിക്കുന്ന വ്യക്തിയാണ് ഞാൻ. ഒടുവിൽ ഭാഗ്യം തുണച്ചതിൽ സന്തോഷമുണ്ടെന്നാണ് നറുക്കെടുപ്പിൽ വിജയിയായ ശേഷം അദ്ദേഹം പ്രതികരിച്ചത്. ദുബായ് ലോട്ടറിയിൽ സമ്മാനം നേടുന്ന 195-ാം ഇന്ത്യൻ പൗരനാണ് കോശി വർഗീസ്. 48 കാരനായ പ്രവാസി സ്ഥിരമായി ദുബായ് നറുക്കെടുപ്പിൽ ഭാഗ്യ പരീക്ഷിക്കുന്ന വ്യക്തിയാണ്. മില്ലേനിയം മില്യണെയർ നറുക്കെടുപ്പിന് പിന്നാലെ നാല് അത്യാഡംബര വാഹനങ്ങൾക്കായുള്ള നറുക്കെടുപ്പും നടന്നു.

BMW X6 M50i വാഹനം സ്വന്തമാക്കിയത് 52 കാരനായ ഡച്ച് പൗരൻ സലാ അൽ അലിയണ്. ജിദ്ദയിൽ താമസിക്കുന്ന കനേഡിയൻ പൗരൻ യൂസഫ് അൽ അബ്ബാസിന് Mercedes Benz AMG GT 43 യും, BMW R nine T ബൈക്ക് ഇന്ത്യക്കാരനായ അർജുൻ സിംഗിനും ലഭിച്ചു. ഇത് രണ്ടാം തവണയാണ് അർജുന് സമ്മാനം ലഭിക്കുന്നത്.

1999 ലാണ് ദുബായ് മില്ലേനിയം മില്യണെയർ ആരംഭിച്ചത്. നറുക്കെടുപ്പിൽ ഏറ്റവും കൂടുതൽ സമ്മാനം കിട്ടുന്നതും മലയാളികൾക്കാണ് എന്നതും പ്രതത്യേകതയാണ്. വലിയ സമ്മാന തുകയാണ് ഇതിന്റെ മാറ്റൊരു ആകർഷണം. അതിനാൽ ടിക്കറ്റ് സ്വന്തമാക്കി നിരവധി പ്രവാസികളാണ് ഭാഗ്യം പരീക്ഷിക്കുന്നത്.