​ഗൾഫ് നാടുകളിലും മറ്റ് വിദേശരാജ്യങ്ങളിലും ജോലിക്കായി പോകുന്ന പ്രവാസികൾ കുടുംബങ്ങൾ നാട്ടിലെ തങ്ങളു‌ടെ കാര്യങ്ങളെ കുറിച്ച് ഓർത്തുള്ള ടെൻഷനിലാകും. പ്രത്യേകിച്ച് നാട്ടലെത്തി ചെയ്യേണ്ട കാര്യങ്ങൾ മുടങ്ങുമ്പോൾ അത് പലർക്കും ബുദ്ധിമൂട്ടാകും. ബില്ലുകൾ പലതും അടയ്ക്കാൻ സാധിക്കാത്ത അവസ്ഥയും ഇത്തരത്തിൽ വന്നു ചേരാറുണ്ട്.

പ്രവാസികൾക്ക് ഇനി വിദേശത്തിരുന്നും രാജ്യത്തെ ബില്ലുകൾ ഈസിയായി അടയ്ക്കാൻ പുതിയ സംവിധാനം ഒരുങ്ങുകയാണ്. ഭാരത് ബിൽ പേയ്‌മെന്റ് സിസ്റ്റം വഴി ഇനി പ്രവാസികൾക്ക് വിദേശത്തിരുന്നു നാട്ടിലെ ബില്ലുകൾ അനായാസമായി അടയ്ക്കാവുന്നതതാണ്.

പുതിയ സംവിധാനമായ ഭാരത് ബിൽ പേയ്‌മെന്റ് സിസ്റ്റം ആർബിഐ ഗവർണർ ശക്തികാന്ത ദാസ് ധന നയ അവലോകത്തിന് ശേഷം അവതരിപ്പിച്ചു. മുതിർന്ന പൗരന്മാർക്കും ഈ സൗകര്യം സഹായകമാകുമെന്നും അദ്ദേഹം പറഞ്ഞു. പ്രവാസികൾക്ക് ഇന്ത്യയിലെ അവരുടെ കുടുംബങ്ങൾക്ക് വേണ്ടി അവരെ സഹായിക്കാൻ വേണ്ടി ബില്ലുകൾ അടയ്ക്കാൻ ഇതിലൂടെ സാധിക്കും.

വിദ്യാഭ്യാസ ബില്ലുകളും വിവിധ യൂട്ടിലിറ്റി ബില്ലുകളും വായ്പകളും ഇനി മുതൽ പ്രവാസികൾക്ക് തടസ്സമില്ലാതെ നേരിട്ട് അടയ്ക്കാൻ സാധിക്കുന്നു. അതിനാൽ കൃത്യസമയത്ത് തന്നെ ഫൈൽ ഒന്നും കൂടാതെ ബില്ലുകൾ അടയ്ക്കാവുന്നതാണ്.നിലവിൽ ഇന്ത്യയിലെ താമസക്കാർക്ക് മാത്രമേ ബിബിപിഎസ് പ്രവേശനം സാധ്യമാകൂ.

പ്രവാസികൾക്ക് കൂടി ഇന്ത്യയിലെ അവരുടെ കുടുംബങ്ങൾക്ക് വേണ്ടി യൂട്ടിലിറ്റി, വിദ്യാഭ്യാസം, മറ്റ് ബിൽ പേയ്‌മെന്റുകൾ എന്നിവ സുഗമമാക്കുന്നതിന് വേണ്ടി ബിബിപിഎസിനെ പരിഷ്കരിക്കാൻ ശക്തികാന്ത ദാസ് നിർദേശിച്ചു. ഇക്കാര്യത്തിൽ ആവശ്യമായ നിർദേശങ്ങൾ കേന്ദ്ര ബാങ്ക് ഉടൻ പുറപ്പെടുവിക്കും.

സുഗമമായ ബിൽ പേയ്‌മെന്റ്, ഉപഭോക്തൃ പരാതി പരിഹാര സംവിധാനം, ഏകീകൃത ഉപഭോക്തൃ കൺവീനിയൻസ് ഫീസ് മുതലായവയ്‌ക്കായി ബിബിപിഎസ് ഉപകാരപ്പെടും എന്നും അദ്ദേഹം വ്യക്തമാക്കി.മാത്രവുമല്ല വിശ്വസനീയമായ പണമിടപാടുകൾ നടത്താൻ പ്രവാസികൾക്ക് ഇതിനി മുതൽ ബിബിപിഎസിന്റെ സേവനം പ്രയോജനപ്പെടുത്താം.

കേന്ദ്രീകൃത ഉപഭോക്തൃ പരാതികൾ പരിഹരിക്കാനുള്ള സംവിധാനം, യൂട്ടിലിറ്റി ബില്ലുകൾ അടയ്ക്കുമ്പോൾ യൂണിഫോം കസ്റ്റമർ കൺവീനിയൻസ് ഫീസ്, വിദ്യാഭ്യാസവുമായി ബന്ധപ്പെട്ട പേയ്‌മെന്റുകൾ തുടങ്ങിയവ നടത്താൻ നിലവിൽ ബിബിപിഎസിന്റെ സഹായത്തോടെ സാധിക്കും. പ്രവാസികൾക്ക് കൂടി ഈ സൗകര്യം ഉടൻ സജ്ജമാക്കാമുള്ള നീക്കങ്ങൾ തുടങ്ങും. എൻപിസിഐ ഭാരത് ബിൽപേ ലിമിറ്റഡിന്റെ ഉടമസ്ഥതയിലായിരിക്കും ഭാരത് ബിൽ പേയ്‌മെന്റ് സിസ്റ്റം പ്രവർത്തിക്കുക.