സൗദിയില് കൊടുങ്കാറ്റ്...! സാജിറിൽ വന് നാശനഷ്ടം, ചുഴറ്റിയടിച്ച കാറ്റ് വാഹനങ്ങളെ മറിച്ചിട്ടു, വര്ക്ക്ഷോപ്പുകളും ഗോഡൗണുകളും തകര്ന്നുവീണു
സൗദിയില് കൊടുങ്കാറ്റിൽ വൻ നാശനഷ്ടമാണ് റിപ്പോർട്ട് ചെയ്തിരിക്കുന്നത്. റിയാദ് പ്രവിശ്യയിലെ സാജിറിലാണ് കൊടുങ്കാറ്റ് വ്യാപക നാശം ഉണ്ടാക്കിയിരിക്കുന്നത്. വ്യാഴാഴ്ച വൈകീട്ടായിരുന്നു സംഭവം. കാറ്റിന് അകമ്പടിയായി ശക്തമായ മഴയും പെയ്തു.
നഗരത്തിൽ കാര് വര്ക്ക്ഷോപ്പ് ഏരിയയിലാണ് കെട്ടിടങ്ങളും മരങ്ങളും വിളക്കുകാലുകളും വൈദ്യുതി പോസ്റ്റുകളും കടപുഴക്കി അതിശക്തമായ കാറ്റടിച്ചത്. ചുഴറ്റിയടിച്ച കാറ്റ് വാഹനങ്ങളെ മറിച്ചിട്ടു. വ്യവസായ ഏരിയയിലെ വര്ക്ക്ഷോപ്പുകളും ഗോഡൗണുകളും മറ്റ് കെട്ടിടങ്ങളും തകര്ന്നുവീണു. തകരമേല്ക്കൂരകള് അന്തരീക്ഷത്തില് പറന്നു.
ഉടന് തന്നെ സാജിര് മുനിസിപ്പാലിറ്റി രക്ഷാപ്രവര്ത്തനത്തിന് സംഘങ്ങളെ ഇറക്കുകയും റോഡുകളിലും മറ്റ് പ്രദേശങ്ങളിലും ചിതറിക്കിടന്ന മരങ്ങളും തകരമേല്ക്കൂരകളുടെയും കെട്ടിട ഭിത്തികളുടെയും മറ്റും അവശിഷ്ടങ്ങള് നീക്കം ചെയ്യുകയും ചെയ്തു.നിലവിൽ ആളപായമൊന്നും റിപ്പോർട്ട് ചെയ്തിട്ടില്ല.
https://www.facebook.com/Malayalivartha
