യുഎഇയില് അണക്കെട്ടുകളില് ജലനിരപ്പ് ക്രമാതീതമായി ഉയര്ന്നു, നാല് ഡാമുകളുടെ ഷട്ടറുകള് തുറക്കും
11 AUGUST 2022 04:34 PM IST
മലയാളി വാര്ത്ത
യുഎഇയില് അതിശക്തമായ മഴയെത്തുടര്ന്ന് അണക്കെട്ടുകളില് ജലനിരപ്പ് ക്രമാതീതമായി ഉയര്ന്നു. കിഴക്കന് മേഖലകളിലെ ചില ഡാമുകളിൽ ജലനിരപ്പ് ഉയര്ന്നതിനാല് ഷട്ടറുകള് തുറക്കുമെന്ന് ഊര്ജ, അടിസ്ഥാനസൗകര്യ മന്ത്രാലയം അറിയിച്ചു.
ശൗക, ബുറാഖ്, സിഫ്നി, അല് അജിലി മംദൂഹ് എന്നീ അണക്കെട്ടുകളുടെ ഷട്ടറുകള് തുറക്കാനാണ് തീരുമാനം. സമൃദ്ധമായ ജലം കാരണം സമ്മര്ദമുണ്ടാകുന്നത് ഒഴിവാക്കാനാണ് നടപടി
താഴ്വരകളില് താമസിക്കുന്നവര് ജാഗ്രത പുലര്ത്തണമെന്നും സുരക്ഷാ നിര്ദേശങ്ങള് പാലിക്കണമെന്നും മന്ത്രാലയം മുന്നറിയിപ്പ് നല്കി. യുഎഇയുടെ തെക്ക്, കിഴക്ക് മേഖലകളില് ആഗസ്റ്റ് 14 മുതല് 17 വരെ കനത്ത മഴയ്ക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
