ഒമാനിൽ അഞ്ചംഗ കുടുംബം തിരയിൽപ്പെട്ടു, രണ്ട് കുട്ടികളുൾപ്പെടെ മൂന്നുപേർ മുങ്ങിമരിച്ചു
ഒമാനിൽ തിരയിൽപ്പെട്ട് അഞ്ചംഗ കുടുംബത്തിലെ മൂന്നുപേർ മുങ്ങിമരിച്ചു. ബർക വിലായത്തിലെ അൽ സവാദി ബീച്ചിലാണ് സംഭവം. പിതാവും രണ്ട് കുട്ടികളുമാണ് മരിച്ചതെന്ന് സിവിൽ ഡിഫൻസ് ആൻഡ് ആംബുലൻസ് അതോറിറ്റി അറിയിച്ചു.
മാതാവിനെയും ഒരു കുട്ടിയെയും രക്ഷപ്പെടുത്താൻ കഴിഞ്ഞതായി അധികൃതർ അറിയിച്ചു. ഇവരടക്കം കുടുംബത്തിലെ അഞ്ചുപേരാണ് തിരയിൽപ്പെട്ടത്. അപകടവിവരം അറിഞ്ഞയുടൻ തെക്കൻ ബാത്തിന ഗവർണറേറ്റിലെ സിവിൽ ഡിഫൻസ് ആൻഡ് ആംബുലൻസ് വിഭാഗം രക്ഷാപ്രവർത്തനത്തിന് എത്തുകയായിരുന്നു.
https://www.facebook.com/Malayalivartha