ഒമാനിൽ വാഹനാപകടത്തിൽ കോഴിക്കോട് സ്വദേശിയായ യുവാവ് മരിച്ചു. ഉള്ളിയേരി ഒരവിലിലെ പറക്കാപറമ്പത്ത് ജിതിത്ത് ആണ് മരിച്ചത്. റോഡ് മുറിച്ച് കടക്കുന്നതിനിടെ വാഹനം ഇടിക്കുകയായിരുന്നു. ലുലു ഹൈപ്പർ മാർക്കറ്റിലെ ജീവനക്കാരനായിരുന്നു. നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.

അതേസമയം, നാട്ടിൽ നിന്ന് തിരിച്ചെത്തിയ പ്രവാസി സൗദിയിൽ മരിച്ചു. പടിഞ്ഞാറൻ പ്രവിശ്യയിലെ യാമ്പുവിൽ താമസിച്ചിരുന്ന മലപ്പുറം കോട്ടക്കൽ സ്വദേശി കുനിക്കകത്ത് വീട്ടിൽ മുസ്തഫ (53) ആണ് മരിച്ചത്. കഴിഞ്ഞ ദിവസം രാവിലെ ശാരീരിക അസ്വാസ്ഥ്യമുണ്ടായതിനെ തുടർന്ന് ആശുപത്രിയിൽ എത്തിച്ചു. ആശുപത്രിയിൽ കാണിച്ച് ശേഷം വെെകുന്നേരം മുറിയിൽ എത്തി..

എന്നാൽ ഞായറാഴ്ച്ച വീണ്ടും ചെറിയ ചില അസ്വാസ്ഥ്യകൾ ഉണ്ടായി അവിടെ വെച്ച് കുഴഞ്ഞു വീണ് മരിക്കുകയായിരുന്നു. വിസിറ്റ് വിസയിൽ എത്തിയ
കുടുംബത്തോടൊപ്പം നാട്ടിൽ പോയി അവധിയാഘോഷിച്ച് കഴിഞ്ഞ ആഴ്ചയാണ് മുസ്തഫ തിരിച്ചെത്തിയത്. കാൽനൂറ്റാണ്ടായി മുസ്തഫ പ്രവാസം തുടങ്ങിയിട്ട്. പെയിന്റ് നിർമാണ കമ്പനിയിൽ ക്വാളിറ്റി കൺട്രോളറായി ജോലി ചെയ്യുകയായിരുന്നു. ഭാര്യ: സാബിറ, മക്കൾ: മുഹമ്മദ് ഷാനിബ്, മുഹമ്മദ് ഷാദിൽ, സഫ്‌വാന യാസ്മിൻ. മൃതദേഹം നാട്ടിലേക്ക് കൊണ്ടുപോയി ഖബറടക്കാൻ ആണ് തീരുമാനം.