കുവൈത്തിൽ 23ന് മഴക്ക് സാധ്യതയുണ്ടെന്ന് മുന്നിയിപ്പ്. മൂന്ന് മുതല്‍ ആറുമണിക്കൂര്‍ വരെ മഴ നീണ്ടുനില്‍ക്കുമെന്ന് പ്രതീക്ഷിക്കുന്നു.കാലാവസ്ഥ നിരീക്ഷകന്‍ ഫഹദ് അല്‍ ഒതൈബിയെ ഉദ്ധരിച്ച്‌ മാധ്യമങ്ങള്‍ ആണ് ഇക്കാര്യം റിപ്പോര്‍ട്ട് ചെയ്തത്. ബുധനാഴ്ച പുലര്‍ച്ച മൂടല്‍മഞ്ഞ് രൂപപ്പെടാനും സാധ്യതയുണ്ട്.

എന്നാൽ കനത്ത മഴ ഉണ്ടാകാനുള്ള സാധ്യതയില്ല.നേരിയതോ ഇടത്തരമോ ആയിരിക്കും മഴയെന്നും മിന്നലിന് സാധ്യതയുണ്ടെന്നും ഫഹദ് അല്‍ ഒതൈബി വ്യക്തമാക്കി. വ്യാഴാഴ്ച ഈ വര്‍ഷത്തെ ഏറ്റവും ദൈര്‍ഘ്യമേറിയ രാത്രിയായിരിക്കും കുവൈത്ത് സാക്ഷ്യം വഹിക്കുക. രാത്രി 13 മണിക്കൂറും 44 മിനിറ്റുമായിരിക്കും വ്യാഴാഴ്ച.