സൗദിയിലെ പ്രീ-സ്‌കൂളില്‍ ഭീമന്‍ പാമ്പ് കയറി. ദക്ഷിണ സൗദിയിലാണ് സംഭവം. മൊഹായില്‍ അസീറില്‍ പ്രവര്‍ത്തിക്കുന്ന പ്രീ-സ്‌കൂളിലാണ് വിദ്യാര്‍ഥികളെയും അധ്യാപികമാരെയും ഭീതിയിലാഴ്ത്തിയ സംഭവം ഉണ്ടായത്.

സ്‌കൂള്‍ വാച്ച്മാന്റെ മാതാവു കൂടിയായ സ്‌കൂളിലെ വനിതാ ജീവനക്കാരി നാലു മീറ്ററോളം നീളമുള്ള  ഭീമന്‍ പാമ്പിനെ അടിച്ചുകൊന്നു.സ്‌കൂള്‍ കെട്ടിടത്തിനു ചുറ്റും കാടു മൂടി കിടക്കുന്നതാണ് പാമ്പ് കയറാന്‍ കാരണമെന്ന് അധ്യാപികമാര്‍ പറഞ്ഞു.

വിദ്യാര്‍ഥികളുടെയും ജീവനക്കാരുടെയും സുരക്ഷ മുന്‍നിര്‍ത്തി ബന്ധപ്പെട്ട വകുപ്പുകള്‍ സഹകരിച്ച് സ്‌കൂള്‍ പരിസരം എത്രയും വേഗം കാടുവെട്ടി വൃത്തിയാക്കണമെന്നും അധ്യാപികമാര്‍ ആവശ്യപ്പെട്ടു.