യു.എ.ഇയിൽ വരും മണിക്കൂറുകൾ നിർണായകം, രാജ്യത്തിന്റെ വിവിധ ഭാഗങ്ങളില് മഴ അനുഭവപ്പെട്ടേക്കാമെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്, താപനില കുറയാന് സാധ്യത
ശൈത്യത്തിലേക്ക് കടന്ന യുഎഇയിൽ മഴയ്ക്ക് സാധ്യത. രാജ്യത്തിന്റെ വിവിധ ഭാഗങ്ങളില് മഴ അനുഭവപ്പെട്ടേക്കാമെന്ന് ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. യുഎഇയുടെ എമിറേറ്റിന്റെ വിവിധയിടങ്ങളില് പകല് അന്തരീക്ഷം മേഘാവൃതമായിരിക്കും. പലയിടങ്ങളിലും പകല് സമയത്ത് താപനില കുറയാന് സാധ്യതയുണ്ട്.
വാഹനമോടിക്കുന്നവര് ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം നിര്ദേശം നല്കി. വാഹനമോടിക്കുന്നവര്ക്ക് കാഴ്ച പരിധി കുറയുമെന്നും മുന്നറയിപ്പുണ്ട്. അതേസമയം ഇടത്തരമോ ശക്തമായതോ ആയ കാറ്റ് വീശുമെന്നും മുന്നറിയിപ്പില് പറയുന്നു. അറേബ്യന് ഉള്ക്കടലും ഒമാന് കടലും പ്രക്ഷുബ്ധമായിരിക്കുമെന്നും ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
സൗദി അറേബ്യയുടെ ചില പ്രദേശങ്ങളില് വരും ദിവസങ്ങളില് മഴയും ആലിപ്പഴവര്ഷവും തുടരുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. കിഴക്കന് പ്രദേശങ്ങളിലും തബൂക്കിലെ തീരപ്രദേശങ്ങളിലും മഴ തുടരും. അസീര്, ജിസാന് പ്രവിശ്യകളില് ശക്തമായ കാറ്റു വീശാനും സാധ്യതയുണ്ട്. മക്ക, മദീന, വടക്കന് അതിര്ത്തികള്, അല് ജൗഫ്, തബൂക്ക്, ഹായില്, അല് ഖസീം, കിഴക്കന്, റിയാദ് പ്രവിശ്യകളുടെ വടക്കന് ഭാഗങ്ങളിലും വരും ദിവസങ്ങളില് താപനിലയില് കുറവ് അനുഭവപ്പെടും.
ചെങ്കടലിന്റെ വടക്കു കിഴകക് ഭാഗങ്ങളില് 15 മുതല് 35 വരെ കിലോമീറ്റര് വേഗത്തില് ഉപരിതല കാറ്റ് വീശാനും സാധ്യതയുണ്ട്. വടക്ക് പടിഞ്ഞാറന് മേഖലകളില് ഇത് 20 മുതല് 40 വരെ കിലോമീറ്റര് വേഗത്തിലായിരിക്കും. മക്കയില് 25 ഡിഗ്രി സെല്ഷ്യസ്, മദിന, റിയാദ്-21, ജിദ്ദ-27, ദമാമം-22, അബഹ-17, തബൂക്ക്-16 എന്നിങ്ങനെയാണ് ശനിയാഴ്ച രേഖപ്പെടുത്തിയ താപനില.
https://www.facebook.com/Malayalivartha
