സൗദിയിൽ 3വരെ മഴ തുടരും, വിവിധയിടങ്ങളിൽ മുന്നറിയിപ്പ്, കുറഞ്ഞ ദൃശ്യപരത അനുഭവപ്പെടും, തീരപ്രദേശങ്ങളില് ഉയര്ന്ന തിരമാലകള്ക്കും സാധ്യത...!
കാലാവസ്ഥ വ്യതിയാനം രൂക്ഷമായ സൗദിയിൽ മഴ തുടരും. വരുന്ന ചൊവ്വാഴ്ച്ച വരെ മഴ തുടരുമെന്നാണ് മുന്നറിയിപ്പ്. ആലിപ്പഴം, പൊടിപടലങ്ങള്, കുറഞ്ഞ ദൃശ്യപരത, എന്നിവ അനുഭവപ്പെടും. തീരപ്രദേശങ്ങളില് ഉയര്ന്ന തിരമാലകള്ക്കും സാധ്യതയുണ്ടെന്ന് സൗദി അറേബ്യന് നാഷണല് സെന്റര് ഓഫ് മെറ്റീരിയോളജി മുന്നറിയിപ്പ് നല്കി.
വ്യാഴാഴ്ച വൈകുന്നേരം ആരംഭിച്ച് വെള്ളി, ശനി ദിവസങ്ങളില് മക്ക, ജിദ്ദ, റാബിഗ്, തായിഫ്, ജമൂം എന്നീ പ്രദേശങ്ങളില് ഇടത്തരമോ കനത്ത മഴയോ ആണ് പ്രതീക്ഷിക്കുന്നത്. അല്-കാമില്, ബഹ്റ, ഖുലൈസ്, അല്-ലൈത്ത്, അല്-ഖുന്ഫുദ, അല്-അര്ദിയാത്ത്, അദം അല്-ബഹ, അല്-ബഹ, ബല്ജുറാഷി, അല്-മന്ദഖ്, അല്-ഖുറ, ഖില്വ, അല്-മഖ്വ, അല്-അഖിഖ്, ബാനി ഹസ്സന്, അല്-ഹഞ്ച്റ, ഗാമിദ് അല്-സനാദ്), അസിര് അല്-നമസ്, ബല്ഖര്ന്, അല്-മജര്ദ, മുഹൈല്, ബാരിഖ്, തനുമ, അല്-ബറാക്ക്, ബിഷ എന്നിവിടങ്ങളിലാണ് ഈ ദിവസങ്ങളില് മുന്നറിയിപ്പുള്ളത്.
വെള്ളി, ശനി ദിവസങ്ങളില് കനത്ത മഴ പ്രതീക്ഷിക്കുന്ന പ്രദേശങ്ങളില് മദീനയിലെ അല്-മഹ്ദ്, വാദി അല്-ഫറ, അല്-ഖാസീമിലെ ബുറൈദ, ഉനൈസ, അല്-റാസ് എന്നിവയും മേഖലയിലെ മിക്ക ഗവര്ണറേറ്റുകളും ഉള്പ്പെടുന്നു. കൂടാതെ റിയാദിലെ അല്-ഖര്ജ്, അല്-മുസാഹിമിയ, അല്-ഖുവയ്യ, അല്-മജ്മഅ, അല്-സുല്ഫി, അല്-ഘട്ട്, ഷഖ്റ, റമ, അല്-ദവാദ്മി, അഫീഫ്, അല്-അഫ്ലാജ്, വാദി അല്- ദവാസിര് ലൈല എന്നിവയിടങ്ങളിലും കാലാവസ്ഥാവ്യതിയാനം ഉണ്ടാകും. അതേസമയം കിഴക്കന് പ്രവിശ്യയായ ദമാം, ദഹ്റാന്, ഖോബാര്, അബ്ഖൈഖ്, അല് അഹ്സ, അല് ഖത്തീഫ് എന്നിവിടങ്ങളില് മിതമായ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷകര് അറിയിച്ചു.
മോശം കാലാവസ്ഥയെക്കുറിച്ചും ഏറ്റവും കൂടുതല് ബാധിക്കാന് സാധ്യതയുള്ള പ്രദേശങ്ങളെക്കുറിച്ചും ഏറ്റവും പുതിയ വിവരങ്ങള്ക്കായി അതിന്റെ വെബ്സൈറ്റും സോഷ്യല് മീഡിയ അക്കൗണ്ടുകളും പരിശോധിക്കാന് നാഷണല് സെന്റര് ഓഫ് മെറ്റീരിയോളജി പൊതുജനങ്ങളോട് അഭ്യര്ത്ഥിച്ചു. കാലാവസ്ഥയുമായി ബന്ധപ്പെട്ട മുന്നറിയിപ്പുകള് ശ്രദ്ധിക്കാനും അധികാരികള്നല്കുന്ന നിര്ദ്ദേശങ്ങള് പാലിക്കാനും എല്ലാവരോടും ആവശ്യപ്പെട്ടിട്ടുണ്ട്.
https://www.facebook.com/Malayalivartha
