നിരവധി പ്രവാസികളാണ് ദുബൈ വിമാനത്താവളത്തെ ആശ്രയിച്ച് യാത്രചെയ്യുന്നത്. അതിനാൽ ദുബൈ വിമാനത്താവളം ഏറ്റവും തിരക്കുള്ള വിമാനത്താവളങ്ങ‌ളിലൊന്നുമാണ്. ഇപ്പോഴിത മികച്ച നേട്ടം സ്വന്തമാക്കിയിരുക്കുകയാണ് ദുബൈ എയര്‍പോർട്ട്. 2022 ലെ ഏറ്റവും തിരക്കേറിയ പത്ത് അന്താരാഷ്ട്ര എയര്‍ റൂട്ടുകളുടെ പട്ടികയില്‍, ദുബായ് അന്താരാഷ്ട്ര എയര്‍പോര്‍ട്ട് അഞ്ചാം സ്ഥാനം കൈയ്യടിക്കിരിക്കുകയാണ്.

ഏവിയേഷന്‍ കണ്‍സള്‍ട്ടന്‍സി ഒഎജിയുടെ കണക്കനുസരിച്ച് കഴിഞ്ഞ വര്‍ഷം 60 ദശലക്ഷത്തിലധികം യാത്രക്കാരെ കൈകാര്യം ചെയ്ത മിഡില്‍ ഈസ്റ്റ് ഹബ്ബാണ് ലോകത്തിലെ ഏറ്റവും തിരക്കേറിയ അന്താരാഷ്ട്ര വിമാന റൂട്ടുകളില്‍ പകുതിയും ഉള്‍ക്കൊള്ളുന്നത്.3.19 ദശലക്ഷം ഷെഡ്യൂള്‍ ചെയ്ത സീറ്റുകളും പ്രതിദിനം 40 വിമാന സര്‍വീസുകളുമുള്ള ദുബായ്- റിയാദ് റൂട്ടാണ് യുഎഇ വിമാനത്താവളങ്ങളുടെ കൂട്ടത്തില്‍ ഒന്നാമത്.

ലോകത്തിലെ ഏറ്റവും തിരക്കേറിയ രണ്ടാമത്തെ അന്താരാഷ്ട്ര പാത കൂടിയാണിത്. കഴിഞ്ഞ 12 മാസത്തിനിടെ 3.23 ദശലക്ഷം സീറ്റുകള്‍ ഷെഡ്യൂള്‍ ചെയ്ത കെയ്റോ -ജിദ്ദ റൂട്ടാണ് ലോകത്തിലെ ഏറ്റവും തിരക്കേറിയ റൂട്ട്. എമിറേറ്റ്സ് എയര്‍ലൈനിന്റെ ആദ്യത്തെ റിട്രോഫിറ്റഡ് എ380 സൂപ്പര്‍ ജംബോ വിന്യസിച്ചിട്ടുള്ള ലണ്ടന്‍ ഹീത്രൂവില്‍ നിന്ന് ദുബായിലേക്കുള്ള റൂട്ട് ലോകത്തിലെ ഏറ്റവും തിരക്കേറിയ നാലാമത്തെ റൂട്ടാണ്.

പ്രതിവര്‍ഷം 2.42 ദശലക്ഷം സീറ്റുകളുള്ള ദുബായ് - ജിദ്ദ റൂട്ടും ലോകത്തിലെ തിരക്കേറിയ റൂട്ടുകളില്‍ ആദ്യ പത്തില്‍ ഇടംപിടിച്ചിട്ടുണ്ട്. ഒഎജിയുടെ കണക്കനുസരിച്ച്, മിഡില്‍ ഈസ്റ്റിലെ വിമാനത്താവളങ്ങള്‍ 2022ലെ റാങ്കിംഗില്‍ ഏഷ്യയിലെ മറ്റ് വിമാനത്താവളങ്ങളെക്കാള്‍ മുന്നിലെത്തി. ഇന്ത്യയില്‍ നിന്നുള്ള രണ്ട് റൂട്ടുകള്‍ ആദ്യ പത്തില്‍ ഇടംപിടിച്ചു. ഇവ രണ്ടും ദുബായിലേക്കുള്ള സര്‍വീസുകളാണ്. 1.97 ദശലക്ഷം സീറ്റുകളുള്ള മുംബൈ- ദുബായ് റൂട്ടും 1.89 ദശലക്ഷം ഷെഡ്യൂള്‍ ചെയ്ത സീറ്റുകളുമായി പത്താം സ്ഥാനത്തെത്തിയ ഡല്‍ഹി- ദുബായ് റൂട്ടുമാണിവ. ക്വാലാലംപൂര്‍ മുതല്‍ സിംഗപ്പൂര്‍ വരെയുള്ള റൂട്ടാണ് ലോകത്തെ ഏറ്റവും തിരക്കേറിയ റൂട്ടുകളില്‍ അഞ്ചാം സ്ഥാനത്ത്.