ഫുട്ൾബോൾ ആരാധകർക്ക് വലിയൊരു സർപ്രൈസിനുള്ള വകതെളിഞ്ഞുവരുന്നുണ്ട്.അതു അങ്ങ് സൗദിയിൽ തന്നെയാണ്. ഏറെ അനിശ്ചിതത്വങ്ങൾക്കൊടുവിൽ ആയിരുന്നു ക്രിസ്റ്റ്യാനോ റൊണാൾഡോ സൗദി ക്ലബ് അൽനാസറുമായി കരാറിൽ ഏർപ്പെട്ട വാർത്ത പുറത്തുവന്നത്. പരസ്യയിനത്തിലടക്കം 200 മില്യൺ ഡോളർ വാർഷിക വരുമാനത്തോടെ രണ്ടര വർഷത്തേക്കാണ് ക്രിസ്ത്യാനോയുടെ കരാർ സൗദി ക്ലബ് അൽനാസർ സ്വന്തമാത്തിയത് .റെക്കോർഡ് പ്രതിഫലം സ്വന്തമാക്കി ക്ലബിന്റെ ഭാഗമായ റൊണാൾഡോയെക്കുറിച്ചുള്ള വാർത്തകളാണ് മാധ്യമങ്ങളിലെ സ്പോർട്സ് പേജുകൾ നിറയെ.

എന്നാൽ ഫുട്ൾബോൾ ആരാധകരുടെ ചങ്കിടിപ്പായ ലയണൽ മെസ്സി സൗദി ക്ലബിലേക്ക് വന്നാലോ....ഒരുക്കലും നടക്കില്ല എന്ന് ചിന്തിക്കാൻ വരട്ടേ...റൊണാൾഡോ ചേർന്ന ക്ലബ്ബായ അൽ നസറിന്റെ ഏറ്റവും വലിയ എതിരാളിയാണ് അൽ ഹിലാൽ എന്ന സൗദി ക്ലബ്. ഇവർ മെസ്സിയെ കൊണ്ടുവരാൻ താൽപര്യം പ്രകടിപ്പിച്ചതായി റിപ്പോർട്ടുകൾ.

അൽ നസ്ർ ക്ലബ്ബ് ക്രിസ്റ്റ്യാനോ റൊണാൾഡോയെ സ്വന്തമാക്കിയതിന് പിന്നാലെയാണ് മെസിയുടെ സൗദി വരവ് സംബന്ധിച്ച റിപ്പോർട്ടുകൾ പുറത്തുവരുന്നത്. ലയണൽ മെസ്സിയുടെ പിതാവ് ജോർജ് അൽ-ഹിലാലുമായി ചർച്ച നടത്താൻ റിയാദിലെത്തിയതായാണു സൂചന. രാജ്യത്തെ പ്രമുഖ ക്ലബ്ലായ അൽ ഹിലാലുമായുള്ള കരാർ സംബന്ധിച്ച ചർച്ചകൾക്കായാണ് അദ്ദേഹം എത്തിയതെന്നാണ് വിവരം.

ലോകഫുട്ബോൾ ചരിത്രത്തിലെ ഏറ്റവും വലിയ തുകയ്ക്കുള്ള കരാറാണ് ചർച്ചയിലുള്ളത്. ഹിലാൽ മെസ്സിക്ക് ഒരു സീസണിൽ 300 മില്യൺ ഡോളർ (ഏകദേശം 2445 കോടി രൂപ ) ബ്ലോക്ക്ബസ്റ്റർ ഡീൽ വാഗ്ദാനം ചെയ്തുവെന്നാണ് റിപ്പോർട്ട്. നേരത്തെ തന്നെ അൽ ഹിലാൽ ക്ലബ്ബ് മെസിയുടെ പിതാവുമായി ചർച്ച നടത്തിയെന്ന് റിപ്പോർട്ട് പുറത്തു വന്നിരുന്നു. അൽ ഹിലാൽ ക്ലബ്ബ് ഇക്കാര്യം സ്ഥിരീകരിക്കുകയും ചെയ്തു. ഈ നീക്കം യാഥാർഥ്യമായാൽ മെസ്സിയും റൊണാൾഡോയും തമ്മിലുള്ള പോരാട്ടം സൗദിയിലും കാണാൻ സാധിക്കും. മെസ്സി കരാറിനു സമ്മതം മൂളിയാൽ ക്രിസ്റ്റ്യാനോയുടെ പേരിലുള്ള ഉയർന്ന തുകയുടെ റെക്കോഡ് അർജന്റീന നായകൻ സ്വന്തമാക്കും.

ഫുട്ബോൾ ആരാധകരെ മുഴുവൻ ഞെട്ടിച്ചാണ് ക്രിസ്റ്റ്യാനോ റൊണാൾഡോ യൂറോപ്പിൽ നിന്നും സൗദി അറേബ്യയിലേക്കു ചേക്കേറിയത്. ഇതോടെ ചരിത്രത്തിലെ തന്നെ ഏറ്റവുമുയർന്ന പ്രതിഫലം വാങ്ങുന്ന ഫുട്ബോൾ താരമായും റൊണാൾഡോ മാറി. പ്രതിവർഷം ഏകദേശം 200 മില്യൺ യൂറോയ്ക്ക് മുകളിൽ പ്രതിഫലം നൽകിയാണ് അൽ നസ്ർ പോർച്ചുഗീസ് നായകനായ റൊണാൾഡോയെ തട്ടകത്തിലെത്തിച്ചത്. റൊണാൾഡോയ്ക്ക് ഏറെ ആരാധകർ മലയാളികൾക്കിടയിലുമുണ്ട്.

ജനുവരി 21ന് മർസൂൽ പാർക്കിൽ അൽ-ഇത്തിഫാഖ് ക്ലബിനെതിരെ നടക്കുന്ന കളിയിൽ ക്ലബിന് വേണ്ടി റൊണാൾഡോ കളത്തിലിറങ്ങും. സൗദി അറേബ്യയിൽ റൊണാൾഡോ കളിക്കാനെത്തുന്നതോടെ പ്രിയതാരത്തിൻറെ കളി നേരിട്ട് കാണാനാകുന്നതിൻറെ സന്തോഷത്തിലാണ് അവിടെയുള്ള പ്രവാസികൾ. ക്രിസ്റ്റിയാനോ റൊണാൾഡോ അടുത്ത സീസണിൽ ഇംഗ്ലീഷ് ക്ലബ്ബായ ന്യൂകാസിൽ യുണൈറ്റഡ് എഫ് സിക്ക്.

ലോൺ വ്യവസ്ഥയിൽ കളിക്കും എന്ന മാർക്ക റിപ്പോർട്ട് ചെയ്ത വാർത്ത അൽ നസർ ക്ലബ് തള്ളി. അടിസ്ഥാന രഹിതമായ വാർത്തയാണ് ഇതെന്ന് അൽ നസർ ഇ.എസ്.പി എന്നിനോട് വെളിപ്പെടുത്തി. രണ്ടര വർഷ കരാറിലാണ് ക്രിസ്റ്റ്യാനോ റൊണാൾഡോ അൽ നസറിൽ എത്തിയത് എന്നും ഇക്കാലയളവിനുള്ളിൽ ഒരു ടീമിന് വേണ്ടിയും ലോൺ വ്യവസ്ഥയിൽ കളിക്കും എന്ന് കരാറിൽ ധാരണ ഇല്ലെന്നും അൽ നസർ വ്യക്തമാക്കി.