സ്വദേശിവത്ക്കരണത്തിൽ നിന്ന് പിന്നോട്ടില്ലെന്ന നിലപാടിലാണ് യുഎഇ. ഈ വര്‍ഷം അവസാനത്തോടെ മൊത്തം ജീവനക്കാരില്‍ നാലു ശതമാനം പേര്‍ സ്വദേശികളായിരിക്കണമെന്ന നിയമം പ്രാബല്യത്തില്‍ വന്നതിനു പിന്നാലെ നിയമം നടപ്പിലാക്കാത്ത കമ്പനികൾക്കെതിരെ കടുത്ത നിലപാട് എടുക്കാനാണ് അധിക‍തരുടെ തീരുമാനം.

എന്നാൽ സ്വകാര്യ സ്‌കൂളകള്‍ ആകെ പെട്ടിരിക്കുന്ന അവസ്ഥയിലാണ്.അവർക്ക് ഈ നിയമം നടപ്പിലാക്കാൻ സ്വദേശി അധ്യാപകരെ കിട്ടാനില്ല എന്നതാണ് കാരണം. യുഎഇ അധ്യാപകരെ നിയമിക്കാനുള്ള ശ്രമങ്ങള്‍ ഊര്‍ജ്ജിതമാക്കിയ യുഎഇയിലെ സ്വകാര്യ സ്‌കൂളുകള്‍ക്ക് ഇത് വലിയൊരു തിരിച്ചടിയായിരിക്കുകയാണ്.

ആവശ്യത്തിന് അധ്യാപകരെ ലഭിക്കാത്തതു മൂലം പല സ്വകാര്യ സ്‌കൂളുകളും അഡ്മിനിസ്‌ട്രേഷന്‍ ജീവനക്കാരായി അവരെ നിയമിക്കുകയാണ് ഇപ്പോള്‍ ചെയ്യുന്നത്. എന്നാല്‍ സര്‍ക്കാര്‍ സ്വദേശിവല്‍ക്കരണ പദ്ധതി അവതരിപ്പിക്കുമ്പോള്‍, ജീവനക്കാരെ എവിടെ ലഭിക്കും എന്ന കാര്യത്തില്‍ കൂടി വ്യക്തത വരുത്തുകയും കൂടുതല്‍ മനുഷ്യവിഭവ ശേഷി ഉണ്ടെന്ന് ഉറപ്പുവരുത്തുകയും ചെയ്യണമെന്നാ പൊതു അഭിപ്രായം ഉയരുന്നത്.