സൗദിയിൽ മിക്ക പ്രദേശങ്ങളിലും മഴയ്ക്ക് സാധ്യത, ഈ പ്രദേശങ്ങളിൽ മഴ കൂടുതല് ശക്തമാകും, പൊതുജനങ്ങള് ജാഗ്രത പാലിക്കണമെന്ന് മുന്നറിയിപ്പ്, മഞ്ഞ് വീഴ്ച്ചയ്ക്കും സാധ്യത...!
സൗദിയിലും കാലവസ്ഥയിൽ വ്യതിയാനം സംഭവിക്കുമെന്ന മുന്നറിപ്പാണ് പുറത്തുവരുന്നത്. സൗദി അറേബ്യയുടെ മിക്ക പ്രദേശങ്ങളിൽ ഇന്ന് ഇടിമിന്നലോട് കൂടിയ മഴ പെയ്യുമെന്നാണ് മുന്നറിയിപ്പ്. അതിനാൽ പൊതുജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു.
തിങ്കള്, ചൊവ്വ ദിവസങ്ങളില് സൗദിയുടെ മിക്ക പ്രദേശങ്ങളിലും മഴയുണ്ടാകുമെന്നാണ് കാലാവസ്ഥാ കേന്ദ്രത്തിന്റെ പ്രവചനം.തലസ്ഥാനമായ റിയാദ്, കിഴക്കന് പ്രവിശ്യ, ഖാസിം, വടക്കന് അതിര്ത്തി, അല്-ജൗഫ് എന്നീ പ്രദേശങ്ങളിലാകും മഴ കൂടുതല് ശക്തമാകും..
തിങ്കള്, ചൊവ്വ ദിവസങ്ങളില് ശക്തമായ ഇടിമിന്നലോട് കൂടി മഴ ലഭിക്കും. ഈ പ്രദേശങ്ങളില് ശക്തമായ കാറ്റിനും സാധ്യതയുണ്ട്. ജിസാന്, ഹായില്, അല്-ബാഹ, അസീര്, മക്ക എന്നിവിടങ്ങളിലും മോശം കാലാവസ്ഥയായിരിക്കും.
ജിദ്ദ, റാബിഗ്, നിയോം, ഉംലുജ്, തബൂക്ക്, അല്ഉല, മദീന എന്നിവിടങ്ങളില് മഴ പെയ്യുമെങ്കിലും മറ്റു മേഖലകള് പോലെ ശക്തമാകാനിടയില്ലെന്ന് അറിയിപ്പില് പറയുന്നു. ജബല് അല് ലോസ്, അലഖാന്, അല് ദഹര്, തബൂക്ക് മേഖല എന്നിവിടങ്ങളില് മഞ്ഞ് വീഴ്ച ഉണ്ടാകും.
ആകാശം മേഘാവൃതമായി ദൂരാഴ്ചകാഴ്ച കുറയുന്നതിനാല് വാഹനം ഓടിക്കുന്നവര് ജാഗ്രത പാലിക്കണം.തീരദേശ നഗരങ്ങളില് ഉയര്ന്ന തിരമാലകള്ക്ക് സാധ്യതയുള്ളതിനാല് ബീച്ചുകളില് പോകുന്നവരും ജാഗ്രത പാലിക്കണം.
തബൂക്ക്, അല്-ജൗഫ്, വടക്കന് അതിര്ത്തികള്, മദീനയുടെ വടക്ക് എന്നിവിടങ്ങളില് താപനില 0 മുതല് 5 ഡിഗ്രി സെല്ഷ്യസ് വരെയാകുമെന്നാണ് റിപ്പോര്ട്ട്.
https://www.facebook.com/Malayalivartha
