യാത്രക്കായി എയർ ഇന്ത്യയെ ആശ്രയിക്കുന്ന പ്രവാസികളെ വളരെയധികം ബുദ്ധിമൂട്ടിലാക്കുന്ന നടപടികളാണ് അധികൃതരുടെ ഭാഗത്ത് നിന്നും ഉണ്ടാകുന്നത്. ടിക്കറ്റെടുത്ത് യാത്രക്കായി എല്ലാ ഒരുക്കങ്ങളും പൂർത്തിയാക്കി കൊണ്ടിരിക്കുന്ന സമയത്ത് പ്രവാസികളെ വല്ലാതെ ബുദ്ധിമൂട്ടിലാക്കുന്ന തീരുമാനമാണ് വിമാനക്കമ്പനിയുടെ ഭാഗത്ത് നിന്നും ഉണ്ടാകുന്ന. ഒന്നല്ല രണ്ടല്ല ഇത്തരം സംഭവങ്ങൾ തുടർക്കഥയായകുകയാണ്.

കുവെെറ്റിൽ നിന്നും ഉള്ള പ്രവാസികളുടെ യാത്ര ദുരിതം അവസാനിക്കുന്നില്ല. ഇപ്പോൾ ഇതാ കുവൈത്തിൽ നിന്ന് വെള്ളിയാഴ്ച രാവിലെ കണ്ണൂരിലേക്കുള്ള എയർ ഇന്ത്യ എക്‌സ്പ്രസ് റദ്ദാക്കിയ വാർത്തയാണ് ഏറ്റവും ഒടുവിലായി പുറത്തുവരുന്നത്. രാവിലെ എട്ടിന് പുറപ്പെടുന്ന വിമാനമാണ് റദ്ദാക്കിയത്.

ഇത് സംബന്ധിച്ച അറിയിപ്പ് യാത്രക്കാർക്ക് നൽകിയതായി എയർ ഇന്ത്യ അറിയിച്ചു. ടിക്കറ്റ് എടുത്ത യാത്രക്കാർക്ക് കാൻസൽ ചെയ്യാം. അല്ലെങ്കിൽ അടുത്ത വിമാനത്തിന് ബുക്ക് ചെയ്യാനുള്ള സൗകര്യം ഒരുക്കിയതായി എയർ ഇന്ത്യ അധികൃതർ അറിയിച്ചു. യാത്രയ്ക്കായി എല്ലാ തയ്യാറെടുപ്പുകളും പൂർത്തിയാക്കി നാട്ടിലെത്താനിമുന്ന പ്രവാസികളെയാണ് അധിക‍ൃതർ നിരശരാക്കിയത്.

അതുപോലെ കണ്ണൂരിലേക്കുള്ള എയർ ഇന്ത്യ എക്സ്പ്രസ് ആഴ്ചയിൽ ഒരുദിവസം മാത്രമാക്കി അധികൃതർ വെട്ടി ചുരുക്കിയിരിക്കിയിരുന്നു.
ഞായർ, ചൊവ്വ ദിവസങ്ങളിലായി രണ്ട് സർവിസുകൾ ആണ് ആദ്യ ഘട്ടത്തിൽ ഉണ്ടായിരുന്നത്. എന്നാൽ അത് ഇപ്പോൾ ഒരു ദിവസം മാത്രമാക്കി ചുരുക്കിയത്.