സൗദിയിൽ ചികിത്സയിലായിരുന്ന പ്രവാസി മരിച്ചു, മക്കയിൽ മരണപ്പെട്ടത് മലപ്പുറം സ്വദേശി
സൗദിയിൽ ചികിത്സയിലായിരുന്ന പ്രവാസി മരിച്ചു. മലപ്പുറം കോഡൂര് സ്വദേശി അബ്ദുല് റസാഖ് (63) മക്കയില് വെച്ചാണ് നിര്യാതനായത്. മക്കയിലെ ശിഫ അല്ബറക്ക പോളിക്ലിനിക്ക് സൂപ്പര്വൈസറായിരുന്നു. മക്കയിലെ കിംഗ് അബ്ദുല്അസീസ് ഹോസ്പിറ്റലില് വെച്ചായിരുന്നു മരണം. വെസ്റ്റ് കോഡൂരിലെ പുല്പ്പാട്ടില് അരീക്കാട്ടില് മമ്മദു ഹാജിയുടെ മകനാണ്. കെ.പി റഹീന നൈനയാണ് ഭാര്യ. മക്കള് - റാഫിയ, റിയ. മൃതദേഹം മക്കയില് ഖബറടക്കും.
അതേസമയം, നാട്ടിലേക്ക് പോകാനായി വിമാനത്താവളത്തില് എത്തിയ പ്രവാസി കുഴഞ്ഞുവീണ് മരിച്ചു. കണ്ണൂര് പള്ളിക്കര സുബുലുസ്സലാം മദ്രസയ്ക്ക് സമീപം വി.പി ഹൗസില് മുനീര് അബ്ദുല്ല (33) ആണ് മരിച്ചത്. ഷാര്ജ വിമാനത്താവളത്തില് കുഴഞ്ഞുവീണ ഉടനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
മാടായി - വാടിക്കല് സ്വദേശി കാനത്തില് അബ്ദുല്ല, താവം പള്ളിക്കര സ്വദേശിനി ഹവ്വ ദമ്പതികളുടെ മകനാണ്. ഭാര്യ - സഹല. മകള് - നദയിന് നസ്റ. സഹോദരങ്ങള് - ശക്കീര് അബ്ദുല്ല (സൗദി അറേബ്യ), മുനീബ് അബ്ദുല്ല (ബംഗളുരുവില് വിദ്യാര്ത്ഥി).
https://www.facebook.com/Malayalivartha
