യുഎഇയിൽ മാത്രമല്ല സൗദിയിലും നിരവധി പ്രവാസികൾ തൊഴിലെടുക്കുന്നുണ്ട്. ഇവിടെ നിയമങ്ങൾ കർശനമാണെങ്കിലും തൊഴിലാളികളുടെ അവകാശങ്ങളുടെ കാര്യത്തിൽ ഒരു വിട്ടുവീഴ്ച്ചയും വരുത്തില്ല. തൊഴിലുടമയുടെ ഭാഗത്ത് നിന്ന് അത്തരത്തിൽ എന്തെങ്കിലും പ്രവർത്തിയുണ്ടാതായി റിപ്പോർട്ട് കിട്ടിയാൽ അതിന് തക്ക നടപടിയും ഉണ്ടാകും.

ഇപ്പോഴും വിദേശികളെ ചേർത്ത് നിർത്തുന്ന തീരുമാനവുമായിട്ടാണ് സൗദിയുടെ വരവ്. രാജ്യത്ത് വിദേശ തൊഴിലാളികളുടെ തൊഴിൽ സംബന്ധമായ ചെലവുകൾ തൊഴിലുടമ വഹിക്കണമെന്ന പുതിയ തീരുനമാനം എടുത്തിരിക്കുകയാണ്. മാനവ സാമൂഹിക വികസന മന്ത്രാലയം ആണ് ഇക്കാര്യം വ്യക്തമാക്കിയത്. ഇത്തരം ചെലവുകൾ തൊഴിലാളികളിൽ നിന്ന് ഈടാക്കാൻ പാടില്ലെന്നും അധികൃതർ മുന്നറിയിപ്പ് നൽകി.

തൊഴിൽ കരാർ അവസാനിച്ച തൊഴിലാളികൾക്ക് സ്വന്തം നാട്ടിലേക്ക് തിരിച്ച് പോകാനുള്ള ടിക്കറ്റിനുള്ള ചിലവും തൊഴിലുടമയാണ് വഹിക്കേണ്ടത്. രാജ്യത്ത് ജോലി ചെയ്യുന്ന വിദേശികളായ തൊഴിലാളികളെ റിക്രൂട്ട് ചെയ്യുന്നതിനുൾപ്പെടെയുള്ള ഫീസുകൾ തൊഴിലുടമയാണ് വഹിക്കേണ്ടതെന്നും മാനവശേഷി, സാമൂഹിക വികസന മന്ത്രാലയം വ്യക്തമാക്കി.

തൊഴിലാളികളുടെ പ്രൊഫഷൻ മാറ്റം, ഇഖാമ ഫീസ്, വർക്ക് പെർമിറ്റ് ഫീസ്, ഇഖാമയും വർക്ക് പെർമിറ്റും പുതുക്കാനുള്ള ചെലവുകൾ, ഇവ പുതുക്കാൻ കാലതാമസം വരുത്തുന്നതു മൂലമുള്ള പിഴകൾ എന്നിവയും തൊഴിലുടമ വഹിക്കേണ്ടതാണ്. ഇത്തരം ചെലവുകൾ തൊഴിലാളിയിൽ നിന്ന് ഈടാക്കാൻ പാടുള്ളതല്ല. കൂടാതെ റീ-എൻട്രി, ഫൈനൽ എക്സിറ്റ് വിസാ ഫീസ്, എന്നിവയും തൊഴിലുടമകളാണ് വഹിക്കേണ്ടത്.