യാത്രക്കായി എയർ ഇന്ത്യയെ ആശ്രയിക്കുന്ന പ്രവാസികളെ ബുദ്ധിമൂട്ടിലാക്കുന്ന നടപടികളാണ് അധികൃതരുടെ ഭാഗത്ത് നിന്നും ഉണ്ടാകുന്നത്. ടിക്കറ്റെടുത്ത് യാത്രക്കായി എല്ലാ ഒരുക്കങ്ങളും പൂർത്തിയാക്കി കൊണ്ടിരിക്കുന്ന സമയത്ത് പ്രവാസികളെ വല്ലാതെ ബുദ്ധിമൂട്ടിലാക്കുന്ന തീരുമാനമാണ് വിമാനക്കമ്പനിയുടെ ഭാഗത്ത് നിന്നും ഉണ്ടാകുന്നത്. മാത്രമല്ല സാങ്കേതിക തകരാർ മൂലം പറന്നുയർന്ന വിമാനങ്ങൾ തിരിച്ചിറക്കണ്ടി വരുന്നത് അടുത്തിടെ പതിവ് സംഭവമാക്കുകയാണ്.

ഒന്നല്ല രണ്ടല്ല ഇത്തരം സംഭവങ്ങൾ തുടർക്കഥയായകുകയാണ്. യാത്രക്കാരുടെ സുരക്ഷ കണക്കിലെടുത്ത് വീണ്ടും അത്തരമൊരു സംഭവമുണ്ടായിരിക്കുകയാണ്. ഇപ്പോൾ സാങ്കേതിക കാരണങ്ങളെ തുടര്‍ന്ന് പറന്നുയർന്ന വിമാനം തിരിച്ചിറക്കിയിരിക്കുകയാണ്. തിരുവനന്തപുരം-മസ്‌ക്കറ്റ് എയര്‍ ഇന്ത്യ വിമാനം ആണ് തിരിച്ചിറക്കിയത്.

രാവിലെ 8.30ന് പുറപ്പെട്ട വിമാനമാണ് സാങ്കേതിക കാരണങ്ങളെ തുടര്‍ന്ന് തിരിച്ചിറക്കിയത്. സാങ്കേതിക തകരാര്‍ നിലവിൽ പരിശോധിക്കുകയാണെന്നാണ് എയർ ഇന്ത്യ അധികൃതർ നൽകുന്ന അറിയിപ്പ്. യാത്രക്കാരെ ഇത് വല്ലാത്ത ബുദ്ധിമൂട്ടിലാക്കിയിരിക്കുകയാണ്.സമയത്തിന് ജോലിയിൽ പ്രവേശിക്കാൻ കഴിയാത്തതിന്റെ നിരാശയിലാണ് പലരും. മറ്റ് ആവശ്യങ്ങൾക്കായി പുറപ്പെട്ടവരും പ്രതിസന്ധിയിലായിരിക്കുകയാണ്.