തിരയിൽ മുങ്ങിത്താണ് ഭാര്യ, രക്ഷിക്കാന് കടലിലേക്ക് എടുത്ത് ചാടിയ പ്രവാസി മുങ്ങിമരിച്ചു, ഷാര്ജയിലെ അല് മംസര് ബീച്ചിൽ സംഭവിച്ചത്
യുഎഇയിൽ ബീച്ചില് ശക്തമായ തിരയില്പ്പെട്ട ഭാര്യയെ രക്ഷിക്കാന് ശ്രമിക്കുന്നതിനിടെ പ്രവാസി മുങ്ങിമരിച്ചു. ഷാര്ജയിലെ അല് മംസര് ബീച്ചിൽ ഞായറാഴ്ച വൈകുന്നേരേരമാണ് അപകടം ഉണ്ടായതത്. തിരയിൽപ്പെട്ട ഇയാളുടെ ഭാര്യയെ പൊലീസും സിവില് ഡിഫന്സും ചേര്ന്ന് രക്ഷപ്പെടുത്തി.
തുടർന്ന് പ്രത്യേക സംഘം നടത്തിയ തെരച്ചിലിനൊടുവില് പിന്നീട് മൃതദേഹം കണ്ടെത്തി.മരിച്ചയാള് ഏത് രാജ്യക്കാരനാണെന്ന വിവരം പുറത്തുവന്നിട്ടില്ല. അപകടത്തിന് സാക്ഷിയായ ഒരു അറബ് പൗരനാണ് വിവരം സെന്ട്രല് ഓപ്പറേഷന്സ് റൂമില് അറിയിച്ചത്.
ദമ്പതികള് കടലില് അകപ്പെട്ടുവെന്ന വിവരമാണ് ഇയാള് അധികൃതരെ അറിയിച്ചത്. ഉടന് തന്നെ രക്ഷാപ്രവര്ത്തനം ആരംഭിച്ചു. തിരച്ചിൽ തുടരുകയും ചെയ്തു. യുവതിയെ സുരക്ഷിതമായി കരക്കെത്തിച്ച ഉദ്യോഗസ്ഥര്ക്ക് സാധിച്ചു.
എന്നാൽ വിശദമായ തെരച്ചിലിനൊടുവില് പിന്നീട് യുവാവിന്റെ മൃതദേഹം കണ്ടെത്തുകയായിരുന്നു. പ്രഥമ ശുശ്രൂഷയും അടിയന്തര വൈദ്യസഹായവും നല്കാനുള്ള സന്നാഹങ്ങള് ഒരുക്കിയിരുന്നെങ്കിലും, കടലില് നിന്ന് കണ്ടെത്തുമ്പോഴേക്കും യുവാവിന് ജീവന് നഷ്ടമായിരുന്നു.
മരണകാരണം ഉള്പ്പെടെ കണ്ടെത്താന് ഷാര്ജ പൊലീസ് അന്വേഷണം തുടങ്ങി. ഇതിന് പിന്നാലെ പൊതുജനങ്ങൾക്ക് കർശന നിർദ്ദേശവുമായി അധികൃതർ രംഗത്തെത്തി. നിര്ദിഷ്ട സ്ഥലങ്ങളില് മാത്രമേ നീന്താന് പാടുള്ളൂ. മോശം കാലാവസ്ഥ നിലനില്ക്കുന്ന സമയത്ത് കടലില് നീന്തരുതെന്നും പൊതുജന സുരക്ഷ മുന്നിര്ത്തി അധികൃതര് പുറപ്പെടുവിക്കുന്ന നിര്ദേശങ്ങള് കര്ശനമായി പാലിക്കണമെന്നും ജനങ്ങളോട് അഭ്യര്ത്ഥിച്ചിട്ടുണ്ട്.
https://www.facebook.com/Malayalivartha
