പെരുംമഴയ്ക്ക് സാധ്യത...! യുഎഇയിൽ അടുത്ത ദിവസങ്ങളിലും കനത്ത മഴ തുടരാൻ സാധ്യത, രാജ്യത്തിന്റെ വിവിധ ഭാഗങ്ങളിൽ ഇന്ന് ശക്തമായ മഴ ലഭിച്ചു, അന്തരീക്ഷ താപനില നാല് ഡിഗ്രി വരെയായി താഴ്ന്നു
യു.എ.ഇയിൽ വരും ദിവസങ്ങളിൽ തണുപ്പ് കൂടുതല് കഠിനമാവുമെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചിരുന്നു. ഇനി പിന്നാലെ ഇതാ രാജ്യത്ത് അടുത്ത ദിവസങ്ങളിലും കനത്ത മഴ തുടരാൻ സാധ്യതയുണ്ടെന്ന മുന്നറിയിപ്പാണ് പുറത്തുവന്നിരിക്കുന്നത്. യു.എ.ഇയുടെ വിവിധ ഭാഗങ്ങളിൽ ഇന്ന് ശക്തമായ മഴ ആണ് ലഭിച്ചത്.ദുബൈ, ഷാർജ, അജ്മാൻ തുടങ്ങി മിക്ക എമിറേറ്റുകളിലും ഇന്ന് മഴ ശക്തമായിരുന്നു.
അബൂദബിയിലെ അൽഐനിൽ ജബൽ ഹഫീത്, അൽ ബദ മേഖലകളിൽ സാമാന്യം മഴ ലഭിച്ചതായും കാലാവസ്ഥ നിരീക്ഷണ കേന്ദ്രം അറിയിച്ചു. ഇതോടെ താപനിലയിലും വ്യതിയാനം സംഭവിച്ചിരിക്കുകയാണ്. അന്തരീക്ഷ താപനില മലയോരങ്ങളിൽ നാല് ഡിഗ്രി വരെയായി താഴ്ന്നിരുന്നു. ശക്തമായ മഴയിൽ ദൂരക്കാഴ്ച കുറയുന്നതിനാൽ ജാഗ്രതപാലിക്കാൻ പൊലീസ് മുന്നറിയിപ്പ് നൽകിയിട്ടുണ്ട്.
വരുംദിവസങ്ങളിലും രാജ്യത്തിന്റെ കിഴക്കൻ, തീരദേശ, പടിഞ്ഞാറൻ പ്രദേശങ്ങളിൽ മഴക്ക് സാധ്യതയുണ്ടെന്നും ഈ സ്ഥലങ്ങളിൽ പകൽ ഭാഗികമായി മേഘാവൃതമായിരിക്കുമെന്നും അധികൃതർ അറിയിച്ചു. മണിക്കൂറിൽ 40കി.മീറ്റർ വേഗതയിൽ കാറ്റു വീശാനും സാധ്യതയുണ്ട്. കടൽ പ്രക്ഷുബ്ധമായിരിക്കും.വരും ദിനങ്ങളില് യുഎഇയിൽ തണുപ്പ് കൂടുമെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചിരുന്നു. പര്വതപ്രദേശങ്ങളില് താപനില അഞ്ച് ഡിഗ്രി സെല്ഷ്യസില് കുറയാന് സാധ്യതയുണ്ടെന്നും കേന്ദ്രം മുന്നറിയിപ്പ് നല്കി.
ജനുവരി പകുതിക്ക് ശേഷമുള്ള ദിവസങ്ങള് ഗള്ഫ് പൈതൃക കലണ്ടറില് ശൈത്യകാലത്തിന്റെ ഏറ്റവും ഉയര്ന്ന സമയമാണെന്ന് അധികൃതര് പറഞ്ഞു. ഈ ശക്തമായ തണുപ്പ് ഏതാനും ദിവസങ്ങള് നീണ്ടുനില്ക്കും. അറേബ്യന് പെനിന്സുലയില് ഒന്നാകെ അതിശൈത്യം അനുഭവപ്പെടുന്ന സമയമാണിതെന്ന് എമിറേറ്റ്സ് അസ്ട്രോണമിക്കല് സൊസൈറ്റി ഡയറക്ടര് ബോര്ഡ് ചെയര്മാന് ഇബ്രാഹിം അല് ജര്വാന് പറഞ്ഞു.
മരുഭൂമികളില് താപ നില ചിലയിടങ്ങില് അഞ്ച് ഡിഗ്രി സെല്ഷ്യസ് വരെയും പര്വത പ്രദേശങ്ങളില് പൂജ്യം ഡിഗ്രി വരെയും എത്തുമെന്നും അദ്ദേഹം പറഞ്ഞു. ഈ കാലയളവില്, രാവിലെ സമയങ്ങളില് ശക്തമായ മൂടല്മഞ്ഞ് അനുഭവപ്പെടാന് സാധ്യതയുണ്ടെന്നും അദ്ദേഹം പറഞ്ഞു.
https://www.facebook.com/Malayalivartha
