റാസൽഖൈമയിലെ സർക്കാർ സ്കൂളുകളിൽ വ്യാഴം, വെള്ളി ദിവസങ്ങളിൽ ഓൺലൈൻ പഠനമായിരിക്കുമെന്ന് റാക്ക് ദേശീയ ദുരന്തനിവാരണ മാനേജ്‌മെന്റ് ടീം അറിയിച്ചു. കാലാവസ്ഥ മോശമായതോടെ ദുബായ് ഗ്ലോബൽ വില്ലേജും താത്കാലികമായി അടച്ചിട്ടിരിക്കുകയാണ്.

അബുദാബിയുടെ ചില ഭാഗങ്ങളിൽ ആലിപ്പഴവർഷമുണ്ടായി. അബുദാബി റിയാദ് സിറ്റിയിലെ താമസക്കാർ സബർബൻ ഗാർഡനിൽ ആലിപ്പഴം വീഴുന്നതായുള്ള ചിത്രങ്ങൾ സാമൂഹികമാധ്യമങ്ങളിൽ പോസ്റ്റ് ചെയ്തിരുന്നു.
ചൊവ്വാഴ്ച രാവിലെ താപനില ചിലയിടങ്ങളിൽ 2.8 ഡിഗ്രി സെൽഷ്യസായി കുറഞ്ഞിരുന്നതായി ദേശീയ കാലാവസ്ഥാകേന്ദ്രം അറിയിച്ചു. അടുത്തരണ്ടുദിവസങ്ങളിൽ താപനില വലിയതോതിൽ കുറയും.

മണിക്കൂറിൽ 60 കി.മീ. വേഗത്തിലുള്ള കാറ്റ് അന്തരീക്ഷത്തെ പൊടിമയമാക്കും. വെള്ളി, ശനി ദിവസങ്ങളിൽ ഇടിയോടുകൂടിയ കനത്ത മഴയ്ക്ക് സാധ്യതയുണ്ടെന്നും കേന്ദ്രം മുന്നറിയിപ്പ് നൽകി.
അസ്ഥിരകാലാവസ്ഥ തുടരുന്ന സാഹചര്യത്തിൽ അനാവശ്യയാത്രകൾ ഒഴിവാക്കണമെന്ന് പോലീസ് അഭ്യർഥിച്ചു. അടിയന്തരഘട്ടങ്ങളിൽ സൂക്ഷ്മതയോടെയും സുരക്ഷാ സംവിധാനങ്ങൾ സ്വീകരിച്ചും വാഹനമോടിക്കണം.

ഡ്രൈവർമാർ അതീവജാഗ്രത പാലിക്കണമെന്ന് ആഭ്യന്തര മന്ത്രാലയവും അറിയിച്ചു. തെറ്റായവിവരങ്ങളും ഊഹാപോഹങ്ങളും പ്രചരിപ്പിക്കരുത്. വാർത്തകൾക്ക് ഔദ്യോഗിക ഉറവിടങ്ങളെമാത്രം ആശ്രയിക്കണമെന്നും അധികൃതർ ഓർമിപ്പിച്ചു.അനാവശ്യയാത്രകൾ ഒഴിവാക്കണം

മിന്നലിന്റെ അകമ്പടിയിൽ മഴ എത്തിയതോടെ ആറ് എമിറേറ്റുകളിലും താപനില   താഴ്ന്നിട്ടുണ്ട് .  എഴുപതിലേറെ മഴ മുന്നറിയിപ്പുകളാണ് എൻസിഎം പുറപ്പെടുവിച്ചട്ടുള്ളത് . പ്രളയജലം ഉയർത്തുന്ന വെല്ലുവിളിക്കു പുറമെ മഴ പെയ്താൽ റോഡുകളിലേക്ക് ചെറുതും വലുതുമായ ഉരുളൻകല്ലുകൾ പതിക്കാൻ സാധ്യതയുള്ളതിനാൽ (ഷൂട്ടിങ് സ്റ്റോൺസ്) യാത്രകൾ കുറച്ച് ജാഗ്രതയിലാകാൻ നിർദ്ദേശം നൽകിയിട്ടുണ്ട്

യു.എ.ഇ.യില്‍ പലയിടങ്ങളിലും ബുധനാഴ്ച കനത്ത മഴ ലഭിച്ചു. ഇടിമിന്നലോടെയായിരുന്നു മഴ. അബുദാബിയില്‍ ഇടിമിന്നലോടെയാണ് മഴ പെയ്തത്. മുഷ്‌രിഫ്, ഖാലിദിയ, കോര്‍ണിഷ് എന്നിവിടങ്ങളില്‍ ഉള്‍പ്പെടെ മഴ ലഭിച്ചു. സാദിയാത്ത് ദ്വീപ്, അല്‍ ഹുദൈരിയത്ത്, അല്‍ ഷഹാമ, അല്‍ ബഹിയ, റഹ്ബ എന്നിവയുടെ സമീപപ്രദേശങ്ങളിലും നേരിയതോതില്‍ മഴപെയ്തു. ജോലിക്ക് പോകാന്‍ ഇറങ്ങിയവര്‍ക്കെല്ലാം മഴ വെല്ലുവിളിയായി.   റോഡുകളിലും വഴികളിലും വെള്ളക്കെട്ടുണ്ടാക്കി. ഷാര്‍ജ ഖോര്‍ഫക്കാന്‍, അജ്മാന്‍ മനാമ എന്നിവിടങ്ങളില്‍ പലയിടങ്ങളിലും വെള്ളക്കെട്ടുകള്‍ രൂപപ്പെട്ടു.