പല വിദേശ രാജ്യങ്ങളിലായി നിരവധി പ്രവാസികളാണ് തൊഴിലെടുക്കുന്നത്. നാട്ടിൽ നിന്ന് നിരവധി പേർ വിദേശ രാജ്യങ്ങളിൽ സ്ഥിര താമസമാക്കാനും പഠനത്തിനായും പോകുന്നത് ഇന്ന് സ്ഥിരം കാഴ്ച്ചയാണ്. യു.കെ ഇത്തരത്തിൽ ആളുകൾ കൂടുതലായി തിരഞ്ഞെടുക്കുന്ന രാജ്യമായി മാറിക്കഴിഞ്ഞു. അടുത്തിടെ ഇവിടേയുണ്ടായ അതിശൈത്യത്തിന്റെ ബുദ്ധിമൂട്ടുകളും പ്രവാസികൾ സമൂഹമാധ്യമങ്ങളിൽ പങ്കുവെച്ച് രംഗത്തെത്തിയിരുന്നു.

എന്നാൽ പ്രവാസികളെ ഏറെ ബുദ്ധിമൂട്ടിലാക്കിയ വാർത്തയാണ് പുറത്തുവന്നിരിക്കുന്നത്. കനത്ത മഴയെ തുടര്‍ന്ന് വിമാനത്താവളം അടയ്ച്ചത് പ്രവാസികളെ പ്രതിസന്ധിയിലാക്കി.തുടർന്ന് 13 മണിക്കൂര്‍ യാത്രക്കുശേഷം വിമാനം തിരിച്ചിറക്കേണ്ടി വന്ന അവസ്ഥയുമാണ് ഉണ്ടായിരിക്കുന്നത്. എമിറേറ്റ്സ് വിമാനമാണ് ഇത്തരത്തിൽ 13 മണിക്കൂര്‍ യാത്രക്കുശേഷം തിരിച്ചിറക്കിയത്.

ദുബൈ വിമാനത്താവളത്തില്‍നിന്ന് ന്യൂസിലന്‍ഡിലെ ഓക്ലന്‍ഡിലേക്ക് പോകവേയാണ് വിമാനത്താവളം അടക്കുന്നതായി പ്രഖ്യാപനം വന്നത്. വെള്ളിയാഴ്ച രാവിലെ 10.30നാണ് എമിറേറ്റ്സിന്‍റെ ഇ.കെ 448 വിമാനം ഓക്ലന്‍ഡിലേക്ക് പറന്നത്. എമിറേറ്റ്സിന്‍റെ ഏറ്റവും ദൈര്‍ഘ്യമേറിയ സര്‍വിസുകളിലൊന്നാണിത്.

14,200 കിലോമീറ്റര്‍ ദൂരത്തിലുള്ള ഓക്ലന്‍ഡിലെത്തണമെങ്കില്‍ 16 മണിക്കൂര്‍ യാത്ര വേണം. ലോകത്തിലെതന്നെ ഏറ്റവും ദൈര്‍ഘ്യമേറിയ നോണ്‍ സ്റ്റോപ് കമേഴ്സ്യല്‍ വിമാന സര്‍വിസാണിത്. ഞായറാഴ്ച ഓക്ലന്‍ഡില്‍ നിന്ന് ദുബൈയിലേക്കുള്ള വിമാനവും റദ്ധാക്കി. എന്നാൽ തിങ്കളാഴ്ച പുറപ്പെടേണ്ട ഓക്ലന്‍ഡ് വിമാനം മുടക്കമില്ലാതെ സര്‍വിസ് നടത്തുമെന്ന് അധികൃതര്‍ അറിയിച്ചു.