തകിടം മറിഞ്ഞ് കാലാവസ്ഥ...! സൗദിയിൽ വരും ദിവസങ്ങൾ നിർണായകം, ഫെബ്രുവരി 3 വരെ രാജ്യത്ത് അസ്ഥിര കാലാവസ്ഥ തുടരുമെന്ന് മുന്നറിയിപ്പ്, ഈ മേഖലകളിൽ അതീവ ജാഗ്രത...
ഗൾഫ് രാഷ്ട്രങ്ങളിൽ കാലാസ്ഥയിൽ പെടുന്നനെ മാറ്റങ്ങൾ സംഭവിക്കുകയാണ്. കാലാവസ്ഥാ നിരീക്ഷണ കേന്ദ്രം പുറത്തുവിടാറുള്ള ഇത് സംബന്ധിച്ച മുന്നറിയിപ്പുകൾ നിരീക്ഷിക്കുകയും ഇത് പ്രകാരം കരുതലോടെയുമാണ് പ്രവാസികൾ മുന്നോട്ട് നീങ്ങുന്നത്.ഇത്തരത്തിൽ വീണ്ടും മുന്നറിയിപ്പ് പുറത്തുവന്നിരിക്കുകയാണ്.
രാജ്യത്ത് അസ്ഥിര കാലാവസ്ഥ തുടരുമെന്ന് മുന്നറിയിപ്പ് നല്കി സൗദി കാലാവസ്ഥാ നിരീക്ഷണ കേന്ദ്രം.ഫെബ്രുവരി 3 വരെ ഇതേ രീതിയിൽ തുടരുമെന്നാണ് മുന്നറിയിപ്പ്. ഈ കാലയളവില് തബൂക്, അല് ജൗഫ്, നോര്ത്തേണ് ബോര്ഡേഴ്സ്, ഹൈല്, അല് ഖാസിം, റിയാദ്, അല് ശര്ഖിയ മുതലായ ഇടങ്ങളിലും, മക്കയുടെയും, മദീനയുടെയും ഏതാനം പ്രദേശങ്ങളിലും അന്തരീക്ഷത്തില് പൊടി ഉയരുന്നതിനും സാധ്യതയുണ്ട്.
ഹൈല്, അല് ഖാസിം, അല് ശര്ഖിയ, മദീന പ്രദേശങ്ങളില് ചൊവ്വാഴ്ച മുതല് ബുധനാഴ്ച വരെ സാമാന്യം ശക്തമായ ഇടിയോട് കൂടിയ മഴയ്ക്ക് സാധ്യതയുണ്ട്. ഇതോടൊപ്പം ഈ മേഖലകളില് ആലിപ്പഴ വീഴ്ച്ചയ്ക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കി.
റിയാദ്, അല് ശര്ഖിയ, അല് ഖോബര്, ദമാം, ദഹ്റാന്, അല് അഹ്സാ, മക്ക, ജിദ്ദ, തായിഫ്, റാബിഗ് പ്രദേശങ്ങളില് ചൊവ്വ, ബുധന് ദിനങ്ങളില് മഴ പെയ്യും.വ്യാഴാഴ്ച മുതല് റിയാദ്, അല് ഖാസിം, അല് ശര്ഖിയയുടെ വടക്കന് മേഖലകള് തുടങ്ങിയ ഇടങ്ങളില് അന്തരീക്ഷ താപനില നാല് മുതല് ഏഴ് ഡിഗ്രി വരെ രേഖപ്പെടുത്താം.
തബൂക് മേഖലയിലെ ഉയരം കൂടിയ പ്രദേശങ്ങളില് ബുധന്, വ്യാഴം ദിവസങ്ങളില് മഞ്ഞ് പെയ്യുന്നതിനും സാധ്യതയുെന്നാണ് കാലാവസ്ഥാ പ്രവചനം.അതേസമയം കുവൈത്തിൽ ഇന്ന് മുതല് ബുധനാഴ്ച വരെ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
കടലില് രൂപപ്പെട്ട ഉപരിതല ന്യൂനമർദവും ഈർപ്പമുള്ള അന്തരീക്ഷവുമാണ് കുവൈത്തിൽ ഇപ്പോൾ മഴ പെയ്യാൻ കാരണം എന്നാണ് അധികൃതർ പറയുന്നത്. ചൊവ്വാഴ്ച മുതൽ ശക്തി പ്രാപിക്കുന്ന മഴ ബുധനാഴ്ച രാവിലെ വരെ തുടരുമെന്ന് കാലാവസ്ഥാ വിഭാഗം മേധാവി അമീറ അൽ അസ്മി പറഞ്ഞു.
https://www.facebook.com/Malayalivartha
