ഓരോ ദിവസം കഴിയുന്തോറും പുതിയ തീരുമാനങ്ങളുമായി മുന്നോട്ടു പോകുകയാണ് സൗദി. പ്രവാസികളുടെ കാര്യത്തിലും നിർണായക ഇടപെടലാണ് അധികൃതർ നടത്തിവരുന്നത്. എന്നാലിപ്പോൾ പ്രവാസികൾക്ക് അൽപ്പം ആശ്വാസം നൽകുന്നതും എന്നാൽ കനത്ത മുന്നറിയിപ്പെന്നോണം രംഗത്തെത്തിയിരിക്കുകയാണ് സൗദി.

ഇതുപ്രകാരം പ്രവാസികൾ ഇഖാമയുടെ പ്രിന്റ് ചെയ്ത കാർഡ് കൈവശം വെക്കുന്നത് നിർബന്ധമില്ലെന്ന് ജവാസാത്ത് വ്യക്തമാക്കി. അതായത് നിങ്ങൾക്ക് ഇനി സ്മാർട്ട് ഫോണിൽ ലഭ്യമാകുന്ന ഡിജിറ്റൽ ഇഖാമ ഇതിന് പകരമായി ഉപയോഗിക്കാവുന്നതാണ്.ഇത് അൽപ്പം അൽപ്പം ആശ്വാസം നൽകുന്ന തീരുമാനമാണെങ്കിലും ഇഖാമ പുതുക്കാൻ മൂന്ന് ദിവസത്തിൽ കൂടുതൽ വൈകിപ്പിച്ചാൽ പിഴ ചുമത്തുമെന്നത് ഉൾപ്പെടെയുള്ള നടപടികളിലേക്ക് നീങ്ങുമെന്നും പാസ്പോർട്ട് വിഭാഗം അറിയിച്ചു.

വിദേശികളുടെ ഇഖാമ പുതുക്കി കഴിഞ്ഞാൽ പിന്നീട് കാർഡ് രൂപത്തിലുളള ഇഖാമ കൈവശം വെക്കൽ നിർബന്ധമില്ല. ഇഖാമ പുതുക്കിയ ശേഷം പുതിയ പ്രിൻ്റ് എടുക്കാനായി ജവാസാത്ത് ഓഫീസ് സന്ദർശിക്കേണ്ടതില്ലെന്നും അധികൃതർ വിശദീകരിച്ചു.