സൗദിക്ക് പിന്നാലെ യുഎഇയിൽ നിന്ന് മാറ്റൊരു ഒരു അപകടവാർത്തയാണ് പുറത്തുവരുന്നത്. യുഎഇയിൽ മലയാളികൾ സഞ്ചരിച്ച വാഹനം അപകടത്തിൽ പെട്ട് ഒരാൾ മരിച്ചു. മലപ്പുറം തിരൂർ അന്നര സ്വദേശി (25 ) മുഹമ്മദ് സുൽത്താനാണ് മരിച്ചത്. റാസൽഖൈമയിൽ വെച്ചാണ് അപകടമുണ്ടായത്. വാഹത്തിലുണ്ടായിരുന്ന നാലുപേർക്ക് പരിക്കേറ്റിട്ടുണ്ട്.

എന്നാൽ ഇവരിൽ ഒരാളുടെ നില ഗുരുതരമാണ്. കൂടെയുണ്ടായിരുന്ന കണ്ണൂർ സ്വദേശിയെ ഗുരുതര പരിക്കുകളോടെ റാക് സഖർ ആശുപത്രിയിൽ പ്രവേശിപ്പിച്ചു. മറ്റ് മൂന്ന് പേർക്ക് നിസാര പരിക്കേറ്റു. അപകടത്തിൽ മരണപ്പെട്ട തിരൂർ അന്നര സ്വദേശി മുഹമ്മദ് സുൽത്താൻ അബൂദബിയിൽ ഗാരേജ് നടത്തുകയായിരുന്നു.

മൃതദേഹം നാട്ടിലെത്തിച്ച് ഖബറടക്കുമെന്ന് ബന്ധുക്കൾ അറിയിച്ചു. ഇന്നലെ ഉച്ചക്ക് പന്ത്രണ്ടരക്കായിരുന്നു മലയാളികൾ സഞ്ചരിച്ച വാഹനം റാസൽഖൈമയിൽ വെച്ച് അപകടത്തിൽപ്പെട്ടത്. വിനോദസഞ്ചാര കേന്ദ്രമായ ജബൽ ജൈസ് സന്ദർശിച്ച് മടങ്ങവെ ഇവരുടെ വാഹനം മറ്റൊരു വാഹനത്തിന് പിന്നിലിടിച്ചാണ് അപകടം.