അബൂദാബിയിലെ മെഹ്‌സൂസ് നറുക്കെടുപ്പില്‍ ഒരു രാത്രി കൊണ്ട് 22 കോടി രൂപയുടെ മൂല്യമുള്ള 10 ദശലക്ഷം ദിര്‍ഹം കൈപ്പറ്റി ഫിലിപ്പീന്‍ വനിത. സെയില്‍സ് പ്രൊമോട്ടറായ അര്‍ലിന്‍ (40) ആണ് ഈ ഭാഗ്യവതി. 30 വര്‍ഷമായി ഇവിടെ താമസിക്കുന്നു. അര്‍ലിന്റെ ഭര്‍ത്താവാണ് 9, 10,13,28,29 എന്നീ നമ്പറുകള്‍ തെരഞ്ഞെടുത്തത്. അബൂദാബിയില്‍ മെഹ് സൂസ് ലോട്ടറി ആരംഭിച്ചശേഷം ഇത് 13 ാംതവണയാണ് ഫിലിപ്പീന്‍സുകാര്‍ ഭാഗ്യം കൊയ്യുന്നത്. കഴിഞ്ഞ ജനുവരിയില്‍ മറ്റൊരു ഫിലിപ്പീന്‍കാരി നേടിയത് 15 മില്യന്‍ ദിര്‍ഹമായിരുന്നു. കുപ്പിവെള്ളം വാങ്ങാൻ പോലും കാശില്ലാതെ വിഷമിക്കുമ്പോഴാണ് ഭാഗ്യം തേടിയെത്തിയതെന്ന് അര്‍ലിന്‍ പറഞ്ഞു.

കഴിഞ്ഞ ശനിയാഴ്ച രാത്രി നടന്ന മെഹ്സൂസ് നറുക്കെടുപ്പിലാണ് കോടികൾ സ്വന്തമാക്കിയത്. ഈ വര്ഷം ജേതാവാകുന്ന ആദ്യ വനിതാകൂടിയാണ് അര്‍ലിന്‍. ജനുവരി അവസാനത്തിൽ ഫിലിപ്പിനോ പ്രവാസിയും സ്റ്റോർ മാനേജരുമായ റസൽ റെയ്‌സ് തുഅസോൺ (34) മറ്റൊരു റാഫിൾ നറുക്കെടുപ്പിൽ 15 ദശലക്ഷം ദിർഹം നേടിയിരുന്നു. 2021-ൽ മെഹ്‌സൂസ് നറുക്കെടുപ്പ് ആരംഭിച്ചതു മുതൽ അർലിൻ ഉൾപ്പെടെ അഞ്ച് ഫിലിപ്പീൻ സ്വദേശികൾ മൾട്ടി മില്യണയർമാരായി.

117-ാമത് സൂപ്പർ സാറ്റർഡേ നറുക്കെടുപ്പിലാണ് അർലിൻ വിജയിച്ചത്. അർലിന്റെ ഭർത്താവാണ് അഞ്ചു നമ്പറുകളായ 9, 10, 13, 28, 29 തിരഞ്ഞെടുത്തത്. ഈ നമ്പറുകൾ തന്റെ കുടുംബപരവും വ്യക്തിപരവുമായ അവസരങ്ങളുമായി ബന്ധപ്പെട്ടതാണെന്നതിനാൽ ഏറെ പ്രാധാന്യമുണ്ടെന്ന് അർലിൻ പറഞ്ഞു.

സാമ്പത്തികമായി വളരെ പ്രയാസങ്ങൾ അനുഭവിക്കുന്നതിനിടെയാണ് അർലിനെ ഭാഗ്യം തേടിയെത്തിയത്. തന്റെയും ഭർത്താവിന്റെയും കുടുംബങ്ങളെയും സാമ്പത്തികമായി സഹായിക്കുന്നതിന് വരുമാനത്തിന്റെ ഭൂരിഭാഗവും അര്‍ലിനു ചെലവഴിക്കേണ്ടി വന്നു. പലപ്പോഴും മറ്റുള്ളവരിൽ നിന്നു വായ്പ വാങ്ങിയാണ് ജീവിച്ചത്.

നറുക്കെടുപ്പിൽ വിജയിയായി എന്നറിയിച്ച് മെഹ്സൂസ് അധികൃതർ അയച്ച ഇ–മെയിലിനെക്കുറിച്ച് ഭർത്താവ് എന്നോട് പറഞ്ഞതിന് ശേഷം രണ്ടു ദിവസമായി ഉറങ്ങാൻ കഴിഞ്ഞില്ല. മെഹ്സൂസ് ടിക്കറ്റെടുക്കുമ്പോൾ എന്റെ ബാങ്ക് അക്കൗണ്ടിൽ 17 ദിർഹം മാത്രമേ ഉണ്ടായിരുന്നുള്ളൂ. എന്റെ ഭർത്താവ് പുറത്ത് പോയി എന്റെ അക്കൗണ്ടിലേയ്ക്ക് 20 ദിർഹം കൂടി നിക്ഷേപിച്ചു. അങ്ങനെയാണ് കഴിഞ്ഞ ആഴ്‌ചത്തെ കുപ്പി വെള്ളം 35 ദിർഹത്തിന് വാങ്ങിയത് വഴി നറുക്കെടുപ്പിൽ പങ്കെടുക്കാനായത്.

ഓരോ ടിക്കറ്റ് എടുക്കുമ്പോഴും 100,000 ദിർഹം നേടുമെന്ന് ഞാൻ പ്രതീക്ഷിച്ചിരുന്നു. എന്നാൽ 10 ദശലക്ഷം ദിര്‍ഹം ഗ്രാൻഡ് പ്രൈസ് നേടിയെന്ന ഇ–മെയിൽ കണ്ടപ്പോൾ ഞെട്ടലോടെ ഞാൻ പലതവണ പൂജ്യങ്ങൾ എണ്ണി ഉറപ്പുവരുത്തി. സമ്മാനത്തുക ഉപയോഗിച്ച് രണ്ടു കുടുംബങ്ങൾക്കും വീടുകൾ നിർമിക്കും. കൂടാതെ, കുറച്ച് ഭാഗം നാട്ടിൽ ജീവകാരുണ്യ പ്രവർത്തനങ്ങൾക്കും ഉപയോഗിക്കും. മറ്റു കാര്യങ്ങൾ തീരുമാനിച്ചിട്ടില്ലെന്നും അവർ വ്യക്തമാക്കി.

ലോകമെമ്പാടുമുള്ള രണ്ടു ലക്ഷത്തോളം ആളുകളുടെ ജീവിതം മാറ്റിയെഴുതിയ മെഹ്സൂസ് നറുക്കെടുപ്പ് അതിന്റെ 100–ാം നറുക്കെടുപ്പിനോട് അനുബന്ധിച്ചുള്ള ആഘോഷങ്ങളുടെ ഭാഗമായി സമ്മാനത്തുക ഇരട്ടിയാക്കിരുന്നു. ഒന്നാം സമ്മാനം 20 ദശലക്ഷം ദിർഹമായി ഉയർത്തിയെന്നാണു മെഹ്സൂസ് അറിയിച്ചിരുന്നത്. പരിമിത കാലയളവിലായിരുന്നു ഈ ഓഫർ.

ഇതു കൂടാതെ സ്ഥിരമായി മെഹ്സൂസ് നറുക്കെടുപ്പിൽ പങ്കെടുക്കുന്ന വിശ്വസ്തരായ കസ്റ്റമേഴ്സിന് അവരുടെ സ്ഥിര പങ്കാളിത്തത്തിനുള്ള അഭിനന്ദനമായി കോംപ്ലിമെന്ററി ക്രെഡിറ്റുകൾ നൽകുകയും ചെയ്യുന്നു. യുഎഇയിലെ ഏറ്റവും ജനപ്രിയ പ്രതിവാര നറുക്കെടുപ്പായ മഹ്‌സൂസി ന്റെ 31–ാമത് നറുക്കെടുപ്പിൽ ബ്രിട്ടിഷ് യുവതിക്ക് സമ്മാനത്തുകയായ ഒരു കോടി ദിർഹം ലഭിച്ചിരുന്നു. 2022 ഡിസംബര്‍ 10ന് നടന്ന 106-ാമത് സൂപ്പര്‍ സാറ്റര്‍ഡേ നറുക്കെടുപ്പിലാണ് ഒന്നാം സമ്മാനമായ 22 കോടിയിലേറെ രൂപ 42 കാരിയായ ഇംഗർ സ്വന്തമാക്കിയത്.