87 ലക്ഷം രൂപയും 110 പവനും. പ്രവാസഭൂമിയിലെ പ്രയത്നത്തിലൂടെ സമ്പാദിച്ചതെല്ലാം നിർദാക്ഷിണ്യം കവർന്നെടുത്തു വീണ്ടും മരുഭൂമിയിൽ ഒറ്റപെട്ടു നിൽക്കുന്ന പാവം പ്രവാസിയുടെ ജീവിതാനുഭവം ആണ് ഇത് . പ്ലസ്‌ടു വിദ്യാഭ്യാസം മാത്രമുള്ള പെൺകുട്ടിയെ വിവാഹം ചെയ്ത് കൂടുതൽ പഠിപ്പിച്ചു ...

രണ്ട് ലക്ഷം രൂപ ശമ്പളമുള്ള ജോലി വാങ്ങി കൊടുത്തു . ഒടുവിൽ പ്രവാസിയായ ഭർത്താവിനെ പറ്റിച്ച് 87 ലക്ഷം രൂപയും 110 പവൻ സ്വർണവുമായി കടന്ന് കളഞ്ഞു . കരുനാഗപ്പള്ളി സ്വദേശി സാബു സോമനാണ് കൊല്ലം കടപ്പാക്കട സ്വദേശിനിയായ ഭാര്യ ശരണ്യയ്ക്കെതിരെ പരാതിയുമായി വന്നിരിക്കുന്നത്

പത്ത് വർഷം മുൻപാണ് ശരണ്യയും സാബു സോമനും വിവാഹിതരായത്. പതിനാല് വർഷമായി ഖത്തറിൽ ജോലി ചെയ്തു വരികയാണ് സാബു സോമൻ. വിവാഹത്തിന് ശേഷം പ്ലസ്‌ടു വിദ്യാഭ്യാസം മാത്രമുണ്ടായിരുന്ന ഭാര്യയെ പഠിപ്പിക്കുകയും ഖത്തറിൽ കൊണ്ട് പോയി മാസം രണ്ട് ലക്ഷം രൂപ ശമ്പളം ലഭിക്കുന്ന ജോലി തരപ്പെടുത്തി കൊടുക്കുകയും ചെയ്തതായാണ് സാബു സോമൻ പരാതിയിൽ പറയുന്നത് .

കാലങ്ങളായി ഗൾഫിൽ ആയിരുന്നിട്ടും സ്വന്തമായി ഒരു എൻആർഐ അക്കൗണ്ട് പോലും സാബുവിന് ഉണ്ടായിരുന്നില്ല. ഭാര്യയോടുള്ള വിശ്വാസം കാരണം കിട്ടുന്ന ശമ്പളം മുഴുവൻ ഭാര്യ ശരണ്യയുടെ അക്കൗണ്ടിലാണ് ഇട്ടിരുന്നത്. പക്ഷെ സ്വരുക്കൂട്ടി വെച്ച പണവുമായി ശരണ്യ നാട്ടിലേക്ക് പോയി. നേരത്തെ ബന്ധുവിന്റെ വിവാഹ ആവിശ്യത്തിന് വലിയൊരു തുക ശരണ്യ നൽകിയിരുന്നു.

ഇതറിഞ്ഞപ്പോൾ ചോദ്യം ചെയ്തത് തർക്കത്തിൽ കലാശിച്ചതായും സാബു പറയുന്നു. 87 ലക്ഷം രൂപയും 110 പവൻ സ്വർണവുമായിട്ടാണ് ശരണ്യ പോയതെന്നാണ് കേസ്. തന്റെ സമ്പാദ്യം മുഴുവൻ തട്ടിയെടുത്ത ഭാര്യ മക്കളെ കാണാൻ പോലും അനുവദിക്കുന്നില്ലെന്നും പറയുന്നു. മക്കളെ കാണാൻ വീട്ടിലെത്തിയ തന്നെ ശരണ്യയുടെ സഹോദരൻ ആക്രമിച്ചു. എന്നാൽ താൻ അക്രമിച്ചെന്ന് കാണിച്ച് അവർ പോലീസിൽ പരാതി നൽകിയെന്നും സാബു സോമൻ പറയുന്നു.