ഗോള്ഫ് കളിക്കിടെ 'കാണികളില്' ഒരാള് പന്ത് അടിച്ചുമാറ്റി കടന്നു കളഞ്ഞു!
അമേരിക്കയിലെ മാസച്യുസെറ്റ്സിലെ വെസ്റ്റ് സ്പ്രിങ് മൈതാനത്ത് ഹാങ്ക് ഡൗണി എന്ന കളിക്കാരനും അദ്ദേഹത്തിന്റെ സുഹൃത്തുക്കളും ഗോള്ഫ് കളിക്കുന്നത് കാണാന് ഒരു വിശിഷ്ട അതിഥി കൂടി ഉണ്ടായിരുന്നു.
കഥകളിലെ കൗശലക്കാരന് കുറുക്കന് തന്നെയാണ് കക്ഷി. ഹാങ്ക് ഡൗണി കളിക്കുന്നത് സുഹൃത്തുക്കള് വീഡിയോയില് ചിത്രീകരിക്കുകയായിരുന്നു, കളി നടക്കുന്നതിന്റെ കുറച്ചു ദൂരെ മാറി രണ്ടു കുറുക്കന്മാര് കിടന്നിരുന്നു.
ഗോള്ഫ് കളിക്കാരന് അടിച്ച പന്ത് കുറുക്കന്മാര് കിടക്കുന്നതിന് അടുത്ത് വന്നു വീണു. അവരില് ഒരു കുറുക്കന് താന് കിടന്നിടത്തു നിന്ന് എണീറ്റ് ഒന്നു സംശയിച്ചു നിന്നു. പിന്നെ അതിവേഗം പന്തിന്റെ അടുത്തെത്തി, അത് കടിച്ചെടുത്ത് കൊണ്ട് നൂറേനൂറില് അങ്ങ് പറന്നു! പന്തിന്റെ പുറകേ ഓടാന് ഒന്നും കളിക്കാര് മെനക്കെട്ടില്ല. മറ്റൊരു ബോളുമായി അവര് കളി തുടര്ന്നു.
മൈതാനത്ത് സാധാരണ വേനല്ക്കാലങ്ങളില് കുറുക്കന്മാര് വരാറുണ്ട്. ചിലപ്പോള് ഒരേസമയം അഞ്ച് കുറുക്കന്മാരെ വരെ കണ്ടിട്ടുണ്ട്.
മറ്റു കളിക്കാരുടെയും പന്തുകള് ഇവ കടിച്ചെടുത്തു കൊണ്ടുപോയതായി കേട്ടിട്ടുണ്ട് പക്ഷേ തനിക്കീ അനുഭവം ആദ്യമാണെന്നാണ് ഹാങ്ക് പറയുന്നത്. സംഗതി എന്തായാലും കള്ളന് കുറുക്കന് ഇതിനോടകം തന്നെ സോഷ്യല് മീഡിയകളില് വൈറലായിട്ടുണ്ട്.
https://www.facebook.com/Malayalivartha