കല്യാണ സൗഗന്ധികത്തിന്റെ ചാരുതയുള്ള ഒരു കല്യാണ വീഡിയോ!
അടിമുടി ന്യൂജെന് ടച്ചാണ് ഇപ്പോള് കല്യാണ ആല്ബങ്ങളിലും വീഡിയോകളിലും. ആല്ബവും വീഡിയോയും എങ്ങനെ വ്യത്യസ്തമാക്കാമെന്ന കാര്യത്തില് വധൂവരന്മാരും സ്റ്റുഡിയോ ജീവനക്കാരും മത്സരിക്കുന്ന കാഴ്ചയാണ് എങ്ങും. വ്യത്യസ്തതയ്ക്കായുള്ള പരീക്ഷണത്തിന് വിദേശങ്ങളില് പോകാന് പോലും ചിലര് മടിക്കാറില്ല.
ന്യൂജെന് ടച്ച് നല്കുന്നതിനൊപ്പം തന്നെ പഴമയെ അനുസ്മരിപ്പിക്കും വിധമുള്ള കല്യാണ വീഡിയോകളും ഉണ്ട്. ഇതിനായി മനകളും പഴയ ശൈലിയിലുള്ള വീടുകളുമെല്ലാം ദമ്പതികളും സ്റ്റുഡിയോകളും തെരഞ്ഞെടുക്കാറുണ്ട്. എന്നാല് കോട്ടയം സ്വദേശിയായ രഘുരാജ് ഭാസിയെന്ന ഫോട്ടോഗ്രാഫറും അദ്ദേഹത്തിന്റെ ഉടമസ്ഥതയിലുള്ള എക്സൈറ്റ് സ്റ്റുഡിയോയും ഇതിന്റെ അടുത്ത പടികൂടി കടന്നു.
എക്സൈറ്റ് രഘു വ്യത്യസ്തത കൊണ്ടുവന്നിരിക്കുന്ന ഏറ്റവും പുതിയ വീഡിയോയും ആല്ബവും കഥകളി നടനും പദം പാട്ടുകാരനുമായ യശ്വന്തിന്റേയും, പഞ്ചമിയുടെയും വിവാഹത്തിന്റേതാണ്. യശ്വന്ത് പഞ്ചമിയെ കഥകളി വേഷം ധരിപ്പിക്കുന്നതും അതിലെ നിമിഷങ്ങളുമാണ് ദൃശ്യങ്ങളിലുള്ളത്. ശരത് കുമാര് സംവിധാനം ചെയ്തിരിക്കുന്ന പോസ്റ്റ് വെഡ്ഡിംഗ് വീഡിയോയുടെ എഡിറ്റിംഗ് നിര്വ്വഹിച്ചിരിക്കുന്നത് സൂരജ് സുരേന്ദ്രനാണ്. രഘുവിന്റേതാണ് ആശയവും ചിത്രങ്ങളും. മനീഷ് പവിത്രനാണ് വീഡിയോ ദൃശ്യങ്ങള് മിഴിവോടെ പകര്ത്തിയിരിക്കുന്നത്.
മുന്പും വിവാഹ വീഡിയോ ചിത്രീകരണത്തിലെ വ്യത്യസ്തത കൊണ്ട് എക്സൈറ്റും രഘുവും അണിയറ പ്രവര്ത്തകരും വാര്ത്തകളില് ഇടം നേടിയിരുന്നു. പഴയകാല ചലച്ചിത്രഗാനം പുനരാവിഷ്കരിച്ച് ഇവര് ചെയ്ത വീഡിയോയും ഏറെ ശ്രദ്ധപിടിച്ചുപറ്റിയിരുന്നു.
https://www.facebook.com/Malayalivartha