ഇരട്ട സഹോദരിമാര് ഒരുമിച്ചാഘോഷിച്ചത് നൂറ്റിരണ്ടാമത്തെ ജന്മദിനം!
ഒന്നിച്ച് ജനിച്ചിട്ട് നൂറ്റിരണ്ട് വര്ഷങ്ങള് ഒന്നിച്ച് ജീവിച്ചതിന്റെ ആഹ്ലാദം ഇരട്ടസഹോദരിമാര് ഒത്തുചേര്ന്ന് ആഘോഷിച്ചു.
ജോര്ജിയയിലെ ഹാന്കോക്ക് കൗണ്ടിയിലുള്ള ഇരട്ടസഹോദരിമാരായ ആനിയും ഗൂസിയുമാണ് നൂറു പിന്നിട്ടുള്ള ജീവിതയാത്രയില് പരസ്പരം കൈകോര്ത്തിരിക്കുന്നത്.
ഇരട്ടസഹോദരിമാരായ ആനിയും ഗുസിയും ജനിച്ചത് 1916-ലാണ്.
പിന്നീട് മുത്തശിയുടെ സംരക്ഷണയിലാണ് ഇരുവരും വളര്ന്നത്.
കാലം പിന്നിട്ടപ്പോള് വിവാഹിതരായ ഇരുവരും തങ്ങളുടെ ഭര്ത്താക്കന്മാരോടൊപ്പം വിവിധയിടങ്ങളിലായി താമസം.
പതിറ്റാണ്ടുകള്ക്കു ശേഷം തൊണ്ണൂറുകളിലാണ് ഇരുവരും വീണ്ടും ഒരു വീട്ടില് താമസമാരംഭിച്ചത്.
അന്നുമുതല് ഇന്നുവരെ ഇരുവരും ഇവിടം വിട്ട് പോയിട്ടില്ല.
ഇനിയുള്ള കാലവും അത് അങ്ങനെ തന്നെയായിരിക്കുമെന്നാണ് ഉറച്ച സ്വരത്തില് ഇരുവരും പറയുന്നത്.
ഇവരുടെ നൂറ്റിരണ്ടാം ജന്മദിനത്തോട് അനുബന്ധിച്ചു നടത്തിയ ആഘോഷപരിപാടിയില് ബന്ധുക്കളും സുഹൃത്തുക്കളുമടക്കം നിരവധിയാളുകള് പങ്കെടുത്തിരുന്നു. ഇരുവരും ചേര്ന്നാണ് ചടങ്ങിനെത്തിയവരെ സ്വീകരിച്ചത്.
https://www.facebook.com/Malayalivartha