ഇനി പറക്കാം, ഡോ. ആന്‍ജലോ ഗ്രുബിസിക് പറക്കാനുള്ള ജാക്കറ്റ് റെഡിയാക്കുന്നു!
ജാര്‍വ്വിസ് എന്ന പറക്കും സ്യൂട്ട് ഉണ്ടാക്കി, അയണ്‍ മാന്‍ എന്ന ഹോളിവുഡ് സിനിമയില്‍ തിന്മകള്‍ ക്കെതിരേ പോരാടുന്ന ടോണി സ്റ്റാര്‍ക്ക് എന്ന കഥാപാത്രത്തെ ആരും മറക്കാനിടയില്ല. സിനിമയിലെ ജാര്‍ വ്വിസിനെ ടോണി തന്നെ നിര്‍മിച്ചെടുത്തതാണ്. അത്തരത്തില്‍ ഒരു പറക്കും സ്യൂട്ട് നിര്‍മിച്ച് യഥാര്‍ഥ ജീവിതത്തിലെ ടോണി സ്റ്റാര്‍ക്ക് ആകാന്‍ ശ്രമിച്ച വ്യക്തിയാണ് ഡോ. ആന്‍ജലോ ഗ്രുബിസിക്.
പറക്കും ജാക്കറ്റ് നിര്‍മിച്ച് മുമ്പ് വാര്‍ത്തകളില്‍ ഇടംപിടിച്ച ആളാണ് ആന്‍ജലോ. താന്‍ വികസിപ്പിച്ചെടുത്ത ജാക്കറ്റിന്റെ പരിഷ്‌കരിച്ച പതിപ്പ് തയാറാക്കി അതിന്റെ പ്രദര്‍ശനം ഇംഗ്ലണ്ടിലെ ബേണ്മൗത്തില്‍ നടത്തുന്നതിനിടെ അദ്ദേഹം വെള്ളത്തില്‍ വീണു. ജാക്കറ്റിന്റെ കൈയില്‍ തീപിടിച്ചായിരുന്നു അപകടം.
ബേണ്മൗത്ത് എയര്‍ ഫെസ്റ്റിവലിനോട് അനുബന്ധിച്ചാണ് ഡോ. ആന്‍ജലോ തന്റെ പറക്കും ജാക്കറ്റ് പ്രദര്‍ശിപ്പിക്കാനെത്തിയത്. ദേഹത്ത് ഘടിപ്പിച്ച ചെറിയ ജെറ്റ് എന്‍ജിന്റെ സഹായത്തോടെ അദ്ദേഹം ഭൂമിയില്‍നിന്ന് പറന്നുയര്‍ന്നു. ഏകദേശം 20 അടി ഉയരത്തിലെത്തിയപ്പോള്‍ കൈയില്‍ ഘടിപ്പിച്ചിരുന്ന ടര്‍ബൈന്‍ എന്‍ജിനില്‍നിന്ന് തീ ഉയരുകയായിരുന്നു.
ശരീരത്തിന്റെ മറ്റു ഭാഗങ്ങളിലേക്ക് തീ പടരാതിരിക്കാനായി കൈ ഉയര്‍ത്തിപ്പിടിച്ചതോടെ ബാലന്‍സ് തെറ്റി താഴേക്ക് വീഴുകയായിരുന്നു. ബേണ്മൗത്ത് നദിയിലേക്ക് വീണ ഡോ. ആന്‍ജലോയെ രക്ഷാപ്രവര്‍ത്തകര്‍ കരയ്‌ക്കെത്തിച്ചു. തന്റെ പറക്കും ജാക്കറ്റ് ഉപയോഗിച്ച് വായുവില്‍ 500 മീറ്റര്‍ വരെ പറക്കാന്‍ ഇദ്ദേഹത്തിന് കഴിഞ്ഞു.
https://www.facebook.com/Malayalivartha
