ദീര്ഘ കാലമായി കുട്ടികളില്ലാതിരുന്ന ദമ്പതിമാര്ക്കിടയിലുണ്ടായ പിണക്കം തീര്ത്ത് തിരികെ വന്ന ഭാര്യക്ക് ഭര്ത്താവ് ഒരു കുഞ്ഞിനെ സമ്മാനിച്ചു, സിനിമാക്കഥയെ വെല്ലുന്ന ട്വിസ്റ്റ് എന്തെന്നറിയൂ!
എരോലി സ്വദേശിയായ യുവതിയും അഡൂര് സ്വദേശിയായ യുവാവും വര്ഷങ്ങള്ക്ക് മുമ്പ് വിവാഹിതരായതാണ്. എന്നാല് ദീര്ഘകാലമായിട്ടും കുട്ടികള് ഇല്ലാതിരുന്നതിനാല് ദമ്പതികള് വളരെയധികം വിഷമത്തിലായിരുന്നു. ഇതിനിടെ ചില പ്രശ്നങ്ങള് കാരണം യുവതി രണ്ട് വര്ഷം മുമ്പ് ഭര്ത്താവിന്റെ വീട്ടില് നിന്നും പിണങ്ങി സ്വന്തം വീട്ടിലെത്തി. രണ്ടാഴ്ച മുമ്പ് മധ്യസ്ഥന് ഇടപെട്ട് പ്രശ്നങ്ങള് പറഞ്ഞുതീര്ത്തു. ഭാര്യാവീട്ടില് യുവാവ് ഒരാഴ്ച താമസിക്കുകയും ചെയ്തു.
രണ്ടുദിവസം മുമ്പ് ഭാര്യാവീട്ടില് നിന്നും തിരിച്ചുപോയ ഭര്ത്താവ് മടങ്ങിയെത്തിയത് യുവതിക്ക് ഒരു സമ്മാനവുമായാണ്. ആറ് മാസം പ്രായമുള്ള ഒരു പെണ്കുഞ്ഞിനെയായിരുന്നു സമ്മാനമായി നല്കിയത്. താന് ദത്തെടുത്തതാണെന്ന് ഇയാള് യുവതിയെ വിശ്വസിപ്പിക്കുകയും ചെയ്തു. വീട്ടില് ആകെ സന്തോഷം നിറഞ്ഞു. ഭര്ത്താവ് തന്റെ വീട്ടിലേക്ക് തിരികെ പോവുകയും ചെയ്തു.
എന്നാല് അത് ദത്ത്കുട്ടിയാണെന്ന് വിശ്വസിക്കാതിരുന്ന ചിലര് വിവരം പോലീസിനെ അറിയിക്കുകയായിരുന്നു. പോലീസ് സംഘം വീട്ടിലെത്തുകയും പിന്നീട് യുവാവിനെ മൊബൈലില് ബന്ധപ്പെടുകയും ചെയ്തു.
താന് ബംഗളൂരുവിലേക്കുള്ള യാത്രയിലാണെന്നും തിരികെ എത്തിയാല് രേഖ ഹാജരാക്കാമെന്നും യുവാവ് അറിയിച്ചു. എന്നാല് രേഖകള് ലഭിക്കാതിരുന്നതിനാല് പോലീസ് കുഞ്ഞിനെ ശിശുക്ഷേമ സമിതിക്ക് മുമ്പാകെ ഹാജരാക്കി. ശിശുക്ഷേമ വകുപ്പ് കുഞ്ഞിനെ സ്നേഹനികേതന് കേന്ദ്രത്തിലാക്കി.
യുവാവിനോട് രേഖകളുമായി ഹാജരാകാനാണ് പോലീസ് നിര്ദേശം. കുട്ടിയെ ലഭിച്ച വഴി ബോധ്യപ്പെടുത്താന് സാധിച്ചില്ലെങ്കില് യുവാവിനെതിരെ നടപടിയെടുക്കാമെന്നും പോലീസ് അറിയിച്ചു.
https://www.facebook.com/Malayalivartha
