ഉറക്കത്തില് വെപ്പുപല്ലു വിഴുങ്ങിയ ഫിലിപ്പിനോ സ്ത്രീയെ അടിയന്തിര ശസ്ത്രക്രിയയിലൂടെ രക്ഷിച്ചു
റാസല്ഖൈമയില് ഉറക്കത്തിനിടെ ഒരു ഫിലിപ്പിനോ സ്ത്രീ വെപ്പുപല്ല് വിഴുങ്ങി.
പല്ല് ഊരി വയ്ക്കാതെ കിടന്നുറങ്ങിയപ്പോള് 38-കാരി അബദ്ധത്തില് അതു വിഴുങ്ങുകയായിരുന്നു.
അല്പനേരം കഴിഞ്ഞപ്പോള് അസ്വസ്ഥതയും ദാഹവും തോന്നി.
എഴുന്നേറ്റ് വെള്ളം കുടിച്ചപ്പോഴാണ് പല്ല് വിഴുങ്ങിപ്പോയ കാര്യം മനസ്സിലായതെന്ന് ഫിലിപ്പിനോ സ്ത്രീ പിന്നീട് പറഞ്ഞു.
ശ്വസിക്കാന് ബുദ്ധിമുട്ടനുഭവപ്പെട്ടതിനെ തുടര്ന്ന് ഉടന് ഇബ്രാഹിം ബിന് ഹമദ് ഉബൈദുല്ല ആശുപത്രിയില് പ്രവേശിപ്പിച്ചു.
15 മിനിറ്റിനുള്ളില് നടത്തിയ എന്ഡോസ്കോപി ശസ്ത്രക്രിയയിലൂടെ കൃത്രിമ പല്ല് പുറത്തെടുത്ത് ജീവന് രക്ഷിക്കുകയായിരുന്നു.
യുവതിയുടെ അന്നനാളത്തിന്റെ മധ്യഭാഗത്ത് പല്ല് കുടുങ്ങിക്കിടക്കുകയായിരുന്നുവെന്ന് ശസ്ത്രക്രിയക്ക് നേതൃത്വം നല്കിയ ഡോ.മറിയം അല് ഖത്തരി പറഞ്ഞു.
https://www.facebook.com/Malayalivartha