കേരളത്തിലെ വീഡിയോ സംഘത്തിന്റെ സാങ്കേതിക മികവും സിനിമാറ്റിക് ശൈലിയും ഇംഗ്ലണ്ടുകാരന് 'ക്ഷ' പിടിച്ചു, അതുകൊണ്ട് ഇംഗ്ലണ്ടുകാരന് വരന് പറഞ്ഞു, ഇംഗ്ലണ്ടില് വച്ചു നടക്കുന്ന തന്റെ വിവാഹവും ഇവര് പകര്ത്തിയാല് മതി എന്ന്!
പോസ്റ്റ് വെഡ്ഡിങ് -പ്രീ വെഡ്ഡിങ് ആല്ബങ്ങള് മനോഹരമാക്കാന് ഷൂട്ടിങിനായി വിദേശ രാജ്യങ്ങളില് ലൊക്കേഷന് തേടി പോകുന്ന പ്രവണത ഇപ്പോള് അധികരിച്ചിരിക്കയാണ്. എന്നാലും ഒരു യൂറോപ്യന് രാജ്യത്തു വച്ചു നടക്കുന്ന വിവാഹം ഷൂട്ട് ചെയ്യാന് മറ്റൊരു രാജ്യത്തു നിന്നുള്ള വീഡിയോ സംഘത്തെ വരുത്തണമെന്ന് തോന്നിയാല് എന്തായിരിക്കും കാരണം? സാങ്കതികമായി വളരെ മുമ്പില് നില്ക്കുന്ന ഇംഗ്ലണ്ട് പോലെയുള്ള ഒരു രാജ്യത്തു നടക്കുന്ന വിവാഹം ഷൂട്ട് ചെയ്യുവാന് ഇങ്ങ് കൊച്ചുകേരളത്തിലുള്ള വീഡിയോ സംഘത്തെ ചുമതല ഏല്പ്പിച്ചോലോ? കേരളത്തിലുള്ള വിവാഹ വിഡിയോ പ്രൊഡക്ഷന് കമ്പനിയായ ഫ്രെയിം ഹണ്ട് വെഡ്ഡിങ് വിഡിയോ പകര്ത്താന് യൂറോപ്യന് രാജ്യത്തേക്ക് എത്തിയിരിക്കുകയാണ്.
മലയാളിയായ നീലിമയുടെയും ഇംഗ്ലണ്ട് സ്വദേശിയായ മാറ്റിന്റെയും വിവാഹം ഹിന്ദു ആചാര രീതികള്പ്രകാരം ആദ്യം കേരളത്തില് നടന്നു. സുജിത്തിന്റെ നേതൃത്വത്തിലുള്ള ഫ്രെയിം ഹണ്ടായിരുന്നു വെഡ്ഡിങ് വിഡിയോ ഷൂട്ട് ചെയ്തത്. സാങ്കേതിക മികവും സിനിമാറ്റിക് ശൈലിയുമുള്ള ഈ വിഡിയോ ഹിറ്റായി.
വിഡിയോ കണ്ട് ഇഷ്ടമായ വരനും വധുവും ഇംഗ്ലണ്ടില്വെച്ചു നടക്കുന്ന ക്രിസ്ത്യന് ആചാരപ്രകാരമുള്ള വിവാഹത്തിന്റെ വിഡിയോ ചിത്രീകരണവും ഫ്രെയിം ഹണ്ടിനെ ഏല്പിക്കുകയായിരുന്നു. സുജിത്തിന്റെ നേതൃത്വത്തിലുള്ള മൂന്നംഗംസംഘത്തെ ഇംഗ്ലണ്ടിലേക്ക് കൊണ്ടുപോകാന് ഇവര് തയാറായി.
ഓക്സ്ഫോര്ഡ് യൂണിവേഴ്സിറ്റിയിലെ പൂര്വ വിദ്യാര്ഥിയാണ് മാറ്റ്. കോളജ് ക്യാംപസിനകത്തുള്ള മഗ്ദലിന് പള്ളിയില്വെച്ചായിരുന്നു ഇവരുടെ വിവാഹം. സാധാരണഗതിയില് ഇത്തരം ആവശ്യങ്ങള്ക്കു വിസ കിട്ടാന് എളുപ്പമല്ല. എങ്കിലും പള്ളി വികാരിയുെട കത്തും ചിലരുടെ പിന്തുണയുമായപ്പോള് ഫ്രെയിം ഹണ്ട് സംഘത്തിനു വിസ ലഭിക്കുകകയായിരുന്നു. യൂറോപ്യന് വിവാഹത്തിന്റെ പൂര്ണത ഉള്കൊണ്ട് നിര്മിച്ച ഈ വിഡിയോയ്ക്കും അഭിനന്ദനങ്ങള് ഇവരെ തേടിയെത്തി.
വിദേശത്ത് വിവാഹ ഷൂട്ടിങിന് പോകാന് ഭാഗ്യം ലഭിച്ച സന്തോഷത്തിലാണ് ഫ്രെയിംഹണ്ടിന്റെ ഉടമസ്ഥനായ സുജിത്ത്.''സ്കോട്ട്ലന്റില് ഷൂട്ട് ചെയ്യാമെന്നാണ് പദ്ധതിയിട്ടിരുന്നത്. പക്ഷേ വധുവിനും വരനും അവധി കുറവായിരുന്നു. വിവാഹദിവസവും തലേദിവസവുമായാണ് ഷൂട്ടിങ് നടത്തിയത്. വിവാഹശേഷം ഷൂട്ട് ചെയ്യാമെന്നു കരുതിയെങ്കിലും അവര്ക്കു സമയമുണ്ടായില്ല. പള്ളിയായിരുന്നു പ്രധാന ലൊക്കേഷന്. എന്തായാലും കിട്ടിയ അവസരം ഭാഗ്യമായി കരുതുന്നു.'' സുജിത്ത് പറഞ്ഞു.
2009-ല് ആരംഭിച്ച ഫ്രെയിംഹണ്ട് മുന്പും നിരവധി ഹിറ്റ് വിവാഹ വിഡിയോകള് ചെയ്തിട്ടുണ്ട്. എറണാംകുളത്താണ് സ്ഥാപനത്തിന്റെ പ്രധാന ഓഫീസ് പ്രവര്ത്തിക്കുന്നത്.
https://www.facebook.com/Malayalivartha