ജീവനക്കാര്‍ക്ക് ബെന്‍സ് കാര്‍ സമ്മാനമായി നല്‍കി വജ്രവ്യാപാരി. സൂറത്ത് സ്വദേശിയായ സാവ്ജി ധൊലാക്യ എന്നയാളാണ് കോടികള്‍ വാരിവിതറി തന്റെ ജീവനക്കാരെ സന്തോഷിപ്പിക്കുന്നത്.

മൂന്ന് ജീവനക്കാര്‍ക്കാണ് അദ്ദേഹം ബെന്‍സ് കാറുകള്‍ സമ്മാനിച്ചത്. കൗമാര പ്രായത്തില്‍ തന്റെ കമ്പനിയിലെത്തിയതാണ് ഈ മൂന്നുപേരും, ഇന്നവര്‍ കമ്പനിയുടെ വിശ്വസ്തരും പ്രിയപ്പെട്ടവരുമാണെന്നും ഈ മൂന്നു പേരെ കുറിച്ചും സാവ്ജി പറഞ്ഞു.

ഇത് ആദ്യമായിട്ടല്ല സാവ്ജി ഇത്തരം സമ്മാനങ്ങള്‍ നല്‍കി തന്റെ ജീവനക്കാരെ സന്തോഷിപ്പിക്കുന്നത്.

2016-ല്‍ തന്റെ സ്ഥാപനത്തിലെ ജീവനക്കാര്‍ക്ക് 1260 കാറുകളും നാനൂറ് ഫ്‌ളാറ്റുകളും അദ്ദേഹം സമ്മാനിച്ചു. മാത്രമല്ല 2017-ല്‍ 1,200 കാറുകള്‍ ജീവനക്കാര്‍ക്ക് അദ്ദേഹം നല്‍കിയിരുന്നു.

6,000 കോടി രൂപയാണ് സാവ്ജിയുടെ വാര്‍ഷിക വരുമാനം. തന്റെ ജീവനക്കാരുടെ ആത്മാര്‍ത്ഥതയ്ക്ക് അനുസരിച്ച് ഞാന്‍ വില കൂടിയ സമ്മാനങ്ങളും നല്‍കുമെന്നാണ് സാവ്ജി പറയുന്നത്.