ഭീമന് കേക്ക് നിര്മ്മിക്കാന് നീലക്കുറിഞ്ഞിയുടെ നാട്ടില് കേക്ക് മിക്സിംഗ് കഴിഞ്ഞു; ചേരുവകള് ഇനി ഡിസംബര് ആദ്യ വാരം വരെ പ്രത്യേക രീതിയില് സൂക്ഷിച്ചുവയ്ക്കും
ക്രിസ്മസ് കാലത്തെ വരവേല്ക്കുവാന് നീലക്കുറിഞ്ഞിയുടെ നാട്ടില് ഒരുക്കങ്ങള് തുടങ്ങി. ഭീമന് കേക്കുമായി ക്രിസ്മസ് കാലത്തെ സ്വാഗതം ചെയ്യാനായി രുചിക്കൂട്ടുകള് ഒരുങ്ങുന്നു.
ഇത്തവണ ചിന്നക്കനാലിലെ ഒരു സ്വകാര്യ റിസോര്ട്ടില് കേക്ക് മിക്സിംഗ് നടന്നതില് വിദേശികളടക്കം പങ്കെടുത്തിരുന്നു.
കുറിഞ്ഞിക്കാഴ്ചക്കൊപ്പം സഞ്ചാരികളെ ആകര്ഷിക്കാന് റിസോര്ട്ടുകളും വ്യാപാരസ്ഥാപനങ്ങളും നിരവധി പരിപാടികളാണ് സംഘടിപ്പിക്കുന്നത്.
ചിന്നക്കനാലിലെ മൗണ്ടെന് ഗ്ലോബ് റിസോര്ട്ടില് നടന്ന കേക്ക് തയ്യാറാക്കല് പരിപാടിയില് സഞ്ചാരികളുടെ നേതൃത്വത്തിലാണ് കേക്കിനുള്ള ചേരുവകളും ഒരുക്കിവെച്ചത്.
നീലക്കുറിഞ്ഞി ഓര്മയ്ക്കൊപ്പം ചേര്ത്ത് വെയ്ക്കാന് രുചിക്കൂട്ടിന്റെ മധുരവും. ഇരുനൂറ് കിലോ ഉണക്കമുന്തിരി, ചെറി, ബദാം, വിവിധ തരം വൈനുകള് എന്നിവയാണ് ഭീമന് കേക്കിന്റെ രുചിക്കൂട്ടുകള്.
ചേരുവകള് പ്രത്യേക രീതിയില് സൂക്ഷിച്ചുവച്ച് ഡിസംബര് ആദ്യ വാരം കേക്ക് നിര്മിക്കും.
https://www.facebook.com/Malayalivartha
