ചടുലമായ നൃത്തച്ചുവടുകളോടെ ബ്രിട്ടീഷ് പ്രധാനമന്ത്രി തെരേസ മെ!
ചുരുക്കം വനിതകളെ മാത്രമേ അന്താരാഷ്ട്ര മാധ്യമങ്ങള് ഉരുക്ക് വനിത എന്ന് പരാമര്ശിക്കാറുള്ളൂ. ആ പേരിന് അര്ഹരായവരില് ഒരാളാണ് ബ്രിട്ടീഷ് പ്രധാനമന്ത്രി തെരേസ മെ. നിശ്ചയ ദാര്ഢ്യത്തിന്റെയും മനക്കരുത്തിന്റെയും പ്രതീകം കൂടിയാണ് അവര്. ആ രണ്ട് ഗുണങ്ങളാല് പലപ്പോഴും അവര് ലോകത്തിന് മാതൃകയായിട്ടുമുണ്ട്.
ബ്രക്സിറ്റ് ആശയം കൂടുതല് തെളിമയോടെ നടപ്പാക്കാനുള്ള പരിശ്രമത്തിലാണ് അവരിപ്പോഴുള്ളത്. ലോകത്തെ അതിപ്രധാനമായ ഒരു രാജ്യത്തിന്റെ പ്രധാനമന്ത്രിയായിരുന്നിട്ടും മാനസിക സമ്മര്ദ്ദം അധികരിക്കാതെ ലാഘവത്തോടെ ആയിരിക്കാന് അവര്ക്ക് കഴിയുന്നുണ്ട് എന്നത് വലിയ കാര്യമാണ്. രാഷ്ട്രീയ തിരക്കുകള്ക്കിടെ വീണു കിട്ടുന്ന ചുരുങ്ങിയ സമയം പോലും ആസ്വദിക്കാനും അവര് ശ്രമിക്കാറുണ്ട്.
ബ്രിട്ടനിലെ കണ്സര്വേറ്റീവ് പാര്ട്ടിയുടെ അതി പ്രധാന ചര്ച്ചാ വേദിയില് തകര്പ്പന് ഡാന്സ് കളിക്കുന്ന തെരേസയാണ് ഇപ്പോള് സോഷ്യല് മീഡിയയിലെ താരം. പാര്ട്ടിക്കുള്ളില് സങ്കീര്ണപ്രശ്നങ്ങള് ഉള്ളപ്പോഴും ബ്രക്സിറ്റ് പ്രശ്നങ്ങള് മറ്റൊരു വശത്തും നില്ക്കുമ്പോള് ഇവ ചര്ച്ച ചെയ്യാനായി വിളിച്ചുചേര്ത്ത യോഗത്തിലായിരുന്നു തെരേസയുടെ ഡാന്സ് എന്ന് കൂടി അറിയണം.
ചൂടേറിയ ചര്ച്ചയ്ക്കും വാഗ്വാദത്തിനുമെത്തിയവര് ഏഴുന്നേറ്റ് നിന്ന് കയ്യടിച്ചാണ് തെരേസയുടെ നൃത്തത്തെ വരവേറ്റത്. ഇതിന്റെ വീഡിയോയാണ് ഇപ്പോള് ലോകമെങ്ങുമുള്ള നവമാധ്യമ ഉപയോക്താക്കള് ഏറ്റെടുത്തിരിക്കുന്നത്.
https://www.facebook.com/Malayalivartha
