വെറുതേയൊന്നും കിട്ടില്ല കള്ളന് എന്ന പേര്! നല്ലപോലെ പാടുപെടണം! സംശയമുണ്ടെങ്കില് ഇതൊന്നു കണ്ടുനോക്കൂ...
അമേരിക്കയിലെ മേരിലാന്ഡില്, ഒരു വീട്ടില് നിന്നും ടിവി കൈക്കലാക്കിയ മോഷ്ടാവ് അതു കൊണ്ടുപോകുവാന് പെടുന്ന പാടാണ് സോഷ്യല്മീഡിയയില് ചിരിയുണര്ത്തുന്നത്.
കവര് പോലും പൊട്ടിച്ചിട്ടില്ലാത്ത വലിയ ടിവി ഒരു വീടിന്റെ മുമ്പിലാണ് വച്ചിരുന്നത്. സംഗതി ശ്രദ്ധയില്പ്പെട്ട മോഷ്ടാവ് ടിവി എടുത്ത് കാര് ലക്ഷ്യമാക്കി ഓടി.എന്നാല് ഭാരം കാരണം ടിവിയുമായി മോഷ്ടാവ് നിലത്തു വീണു. നിലത്തു കിടക്കുന്ന ടിവി എടുക്കുവാന് അദ്ദേഹം ശ്രമിക്കുന്നുണ്ടെങ്കിലും ടിവിയുടെ ഭാരവും വലിപ്പവും അദ്ദേഹത്തിനു മുന്പില് വില്ലനായി മാറി.
വല്ല വിധേനെയും ടിവി എടുത്ത അദ്ദേഹം കാറിനുള്ളിലേക്ക് ടിവി കയറ്റുവാന് തുടങ്ങിയപ്പോള് ടിവിയുടെ വലിപ്പം വീണ്ടും വില്ലനായി. അതിനിടെ അതിലേ കടന്നുപോകുന്ന വാഹനങ്ങളിലെ ഡ്രൈവര്മാരില് നിന്നും മുഖം മറച്ചുപിടിക്കാനും ആ ടിവി തന്നെ ഉപയോഗപ്പെടുത്തി.
ഇത്രയൊക്കെ ബുദ്ധിമുട്ടുന്നുണ്ടെങ്കിലും ടി വി ഉപക്ഷിക്കുവാന് തയാറാകാതിരുന്ന ഇയാള് കാറിന്റെ ഡിക്കിക്കുള്ളില് ടിവി വയ്ക്കുവാന് ശ്രമിച്ചെങ്കിലും നിരാശയായിരുന്നു ഫലം. എന്നാല് ഇതിലൊന്നും തളരാതിരുന്ന മോഷ്ടാവ് ഒരു വിധം ടിവി കാറിനുള്ളില് കയറ്റി സ്ഥലം വിടുകയായിരുന്നു.
വീടിനു മുന്പിലെ സിസിടിവി കാമറയിലാണ് സംഭവം പതിഞ്ഞത്. തങ്ങളുടെ ടിവി, മോഷണം പോയതറിഞ്ഞ വീട്ടുകാര് പോലീസില് അറിയിച്ചതിനെ തുടര്ന്നാണ് സംഭവം പുറത്തായത്. ഇയാള് മോഷണം നടത്തുന്നതിന്റെ ദൃശ്യങ്ങള് ഇതിനോടകം തന്നെ വൈറാലായി മാറിയിരിക്കുകയാണ്.
https://www.facebook.com/Malayalivartha
