സൗത്ത് കരോളിനയില്‍ നിന്നുളള വിസ്മയിപ്പിക്കുന്ന ഒരു വീഡിയോദൃശ്യം സോഷ്യല്‍ മീഡിയയില്‍ വൈറലായി. ഒരു വമ്പന്‍ സ്രാവിനെ കാലില്‍ കോര്‍ത്ത് പറന്നു പോകുന്ന ഒരു പക്ഷിയുടെ വിഡിയോയാണ് പുറത്ത് വന്നത്.

പരുന്തെന്ന് തോന്നിക്കുന്ന ഒരു പക്ഷിയാണ് കടല്‍ത്തീരത്ത് തടിച്ചുകൂടിയ ആളുകള്‍ക്ക് മുകളിലൂടെ സ്രാവിന് സമാനമായ മീനുമായി പറന്നു പോയത്. പക്ഷിയുടെ കാലിലുള്ളത് സ്രാവാണെന്നും അല്ല വലിയ മീനാണെന്നുമുള്ള തര്‍ക്കമാണ് സോഷ്യല്‍ മീഡിയയില്‍ നടക്കുന്നത്.

പക്ഷിയുടെ പിടുത്തത്തില്‍ അനങ്ങാന്‍ സാധിക്കാതെ കിടക്കുകയാണ് സ്രാവ്. ഒരു കൂട്ടര്‍ ഇത് പരുന്താണെന്നും മറ്റൊരു കൂട്ടര്‍ അത് മത്സ്യങ്ങളെ ഇരപിടിച്ച് കഴിയുന്ന പക്ഷിയാണെന്നുമാണ് പറയുന്നത്. ട്വിറ്ററില്‍ വീഡിയോ വൈറലായതോടെ ഒരു കോടിയില്‍പ്പരം ആളുകളാണ് ഇത് കണ്ടത്.