ചങ്ക് സുഹൃത്ത് നല്കിയ വിവാഹ സമ്മാനം കണ്ട് മനസ്സും കണ്ണും നിറഞ്ഞ് വരന് ബിജു!
അഗ്നരക്ഷാസേനയിലെ ഉദ്യോഗസ്ഥനായ ചെന്തുരുത്തി അറക്കപ്പറമ്പില് ബിജു കൊടുങ്ങല്ലൂരിന്റെ വിവാഹം ഇക്കഴിഞ്ഞ 12-ാം തീയതി ആയിരുന്നു. വിരുന്നു സല്ക്കാരം കഴിഞ്ഞ് ബിജുവും വധു സജനയും വീട്ടിലെത്തിയപ്പോള് ഇവരെ കാത്ത് ഒരു ബുള്ളറ്റ് മുറ്റത്ത് പാര്ക്ക് ചെയ്തിരുന്നു. ആരാണ് സമ്മാനം നല്കിയതെന്ന് ബിജുവിന് ആദ്യം മനസിലായില്ല. ബിജുവിന്റെ വിവാഹത്തിന് ഉറ്റസുഹൃത്ത് ഓളിപ്പറമ്പില് അജീഷിന്റെ വകയായിരുന്നു ആ സമ്മാനം.
ബുള്ളറ്റ് പ്രേമിയായ ബിജുവിന്റെ വിവാഹത്തിന് എന്തു സമ്മാനം കൊടുക്കും എന്ന ആലോചനയിലാണ് തന്റെ പ്രാണനായ ബുള്ളറ്റ് നല്കാമെന്ന് അജീഷ് തീരുമാനിച്ചത്. അജീഷിന്റെ ഭാര്യ സംഗീതയും പൂര്ണ പിന്തുണയേകി. ബുള്ളറ്റിന്റെ നിറം മാറ്റിയിരുന്നതിനാല് താന് എല്ലാം ദിവസവും കയറിയിരുന്ന വണ്ടി ആണതെന്ന് ബിജു തിരിച്ചറിഞ്ഞില്ല. അറിഞ്ഞപ്പോള് അടക്കാന് വയ്യാത്ത ആഹ്ലാദവും. ബൈക്കിന്റെ നിറം മാറ്റി എക്സ്ട്രാ ഫിറ്റിങ്സും കൂടി ഘടിപ്പിച്ചാണ് അജീഷ് സുഹൃത്തിനു നല്കിയത്.
വിവാഹത്തിനു തന്റെ 'ചങ്ക് ബ്രോ' എന്തു സമ്മാനം നല്കിയെന്ന് ആരെങ്കിലും ഇപ്പോള് ചോദിച്ചാല് ബിജു പറയും, 'ചങ്ക് തന്നെ പറിച്ചുനല്കി..!'
https://www.facebook.com/Malayalivartha