മിനിസ്ക്രീൻ പ്രേക്ഷകരുടെ ഇഷ്ട താരമാണ് രഞ്ജിനി ഹരിദാസ്. അവതാരകയായി തിളങ്ങിയ താരത്തെ വളരെ പെട്ടന്നായിരുന്നു ആരാധകർ ഏറ്റെടുത്തത്.

സ്റ്റാര്‍ സിംഗറിലൂടെയാണ് രഞ്ജിനി ഏറെ ശ്രദ്ധേയയായത്. പലപ്പോഴും മംഗ്ലീഷ് ഉച്ചാരണം കൊണ്ട് പലരെയും വെറുപ്പിച്ച രഞ്ജിനി സോഷ്യല്‍മീഡിയയില്‍ ആക്രമണം നേരിടുന്ന സെലിബ്രിറ്റിയായിരുന്നു.

മലയാളം ബിഗ്‌ബോസിലും രഞ്ജിനിയുടെ സാന്നിധ്യമുണ്ടായിരുന്നു. തുടര്‍ന്ന് ബിഗ്‌സ്‌ക്രീനിലും രഞ്ജിനി ഒരു കൈ നോക്കിയിരുന്നു. തന്റെ വിശേഷങ്ങളെല്ലാം ആരാധകരുമായി പങ്കുവെയ്ക്കാന്‍ ഒരു യൂട്യൂബ് ചാനലും രഞ്ജിനി തുടങ്ങിയിരുന്നു.

എന്നാല്‍ ഇപ്പോള്‍ രഞ്ജിനിയുടെ പുതിയ ലുക്കാണ് ആരാധകരെ അമ്ബരപ്പിച്ചിരിയ്ക്കുന്നത്. തല മൊട്ടയടിച്ച ചിത്രമാണ് രഞ്ജിനി പങ്കുവെച്ചിരിയ്ക്കുന്നത്.

ആരാധകരുമായുള്ള സൗഹൃദ സംഭാഷത്തിന് ശേഷം നിമിഷങ്ങള്‍ക്കകമാണ് പുതിയ ലുക്കുമായി രഞ്ജിനി എത്തിയത്. ഇത് ആരാധകരെ ആകെ ആശയക്കുഴപ്പത്തിലാക്കുകയായിരുന്നു.

ഞാന്‍ അല്‍പ്പം ബോറടിച്ചു എന്നു പറഞ്ഞു കൊണ്ടാണ് രഞ്ജിനി ഈ ചിത്രം പങ്കുവെച്ചിരിയ്ക്കുന്നത്. ശരിയ്ക്കും രഞ്ജിനി തല മൊട്ടയടിച്ചതാണോ, അല്ലയോ എന്ന ആശയക്കുഴപ്പത്തിലാണ് എല്ലാവരും.