മഴയ്ക്ക് പിന്നാലെ കൊറോണ വൈറസ് ബാധ; ഇന്ത്യ-ദക്ഷിണാഫ്രിക്ക ഏകദിന പരമ്പരയിലെ രണ്ട് മത്സരങ്ങളും അടച്ചിട്ട സ്റ്റേഡിയത്തില്
കൊറോണ വൈറസ് ബാധയുടെ പശ്ചാത്തലത്തിൽ ഏകദിന പരമ്പരയിലും നടപടി സ്വീകരിച്ചു. ഇന്ത്യ-ദക്ഷിണാഫ്രിക്ക ഏകദിന പരമ്പരയിലെ അവശേഷിക്കുന്ന രണ്ട് മത്സരങ്ങളും അടച്ചിട്ട സ്റ്റേഡിയത്തില് നടത്താന് ബി.സി.സി.ഐ തീരുമാനമെടുത്തു. 15, 18 തീയതികളിൽ ലക്നൗ, കൊല്ക്കത്ത എന്നിവിടങ്ങളിലായി മത്സരങ്ങള് നടക്കുകയാണ്. നേരത്തെ ധര്മശാലയിലെ കഴിഞ്ഞ ദിവസത്തെ മത്സരം മഴ കാരണം ഒരു പന്തുപോലും എറിയാതെ ഉപേക്ഷിക്കുകയായിരുന്നു ചെയ്തത്.
ഇനിയുള്ള മത്സരങ്ങളില് താരങ്ങള്, മറ്റ് സ്റ്റാഫ്, ബി.സി.സി.ഐ ഭാരവാഹികള് എന്നിവര്ക്ക് പുറമെ മാധ്യമപ്രവര്ത്തകര്ക്ക് മാത്രമായിരിക്കും പ്രവേശനം അനുവദിക്കുന്നത്. ഇതിന് പിന്നാലെ ഐ.പി.എല് ടൂര്ണമെന്റ് സംഘടിപ്പിക്കരുതെന്നും വിദേശകാര്യ മന്ത്രാലയം ആവശ്യപ്പെടുകയും ചെയ്തു. ഐ.പി.എല് മത്സരങ്ങള് അടച്ചിട്ട സ്റ്റേഡിയത്തില് നടത്താന് കേന്ദ്രമന്ത്രി കിരണ് റിജിജു ബി.സി.സി.ഐയോട് നിര്ദേശിക്കുകയുണ്ടായി.
https://www.facebook.com/Malayalivartha