ക്രിക്കറ്റിലെ വെടിക്കെട്ട് ബാറ്റ്‌സ്മാൻ വിന്‍ഡീസ് താരം ക്രിസ് ഗെയ്ല്‍ വിരമിക്കുന്നുവോ ? ഈ ചോദ്യം ശക്തമാകുകയാണ് . നാല്‍പ്പതാം വയസ്സിലെത്തി നില്‍ക്കുന്ന താരം വിരമിക്കാനായോ എന്നാണ് ആരാധകര്‍ ചോദിക്കുന്നത്. ഈ ചോദ്യങ്ങൾക്ക് ഗെയ്ല്‍ നൽകുന്ന മറുപടി ഇങ്ങനെയാണ്. വിരമിക്കുന്നതിന് മുമ്പ് 10 സെഞ്ചുറികള്‍ കൂടി അടിക്കണമെന്ന് ഗെയ്ല്‍ വ്യക്തമാക്കുന്നു . ക്രിക്ക് ട്രാക്കറുടെ ട്വീറ്റിനാണ് വിന്‍ഡീസ് താരം ഇങ്ങനെ മറുപടി നല്‍കിയിരിക്കുന്നതും. ട്വന്റി-20 ക്രിക്കറ്റില്‍ ഏറ്റവും കൂടുതല്‍ സെഞ്ചുറി അടിച്ച താരം എന്ന കുറിപ്പോടെയാണ് ക്രിക്ക് ട്രാക്കര്‍ ഗെയ്‌ലിന്റെ ചിത്രം പങ്കുവെച്ചിരിക്കുന്നത്.

22 സെഞ്ചുറികളാണ് നിലവില്‍ ഗെയ്‌ലിന്റെ അക്കൗണ്ടിൽ ഇപ്പോൾ. ഇതിന് മറുപടി ആയിട്ടാണ് ഗെയ്ല്‍ 10 സെഞ്ചുറികള്‍ കൂടി എന്നു വ്യക്തമാക്കിയത്. ട്വന്റി-20യില്‍ 28 അര്‍ധ സെഞ്ചുറികളും അക്കൗണ്ടിലുള്ള ഗെയ്‌ലിന്റെ ആകെ സമ്പാദ്യം 13296 റണ്‍സായിരുന്നു . അന്താരാഷ്ട്ര ട്വന്റി-20യില്‍ രണ്ട് സെഞ്ചുറിയും 13 അര്‍ധ സെഞ്ചുറിയും ഗെയ്‌ൽ സ്വന്തമാക്കിയിട്ടുണ്ട് . വിന്‍ഡീസിന്റെ രണ്ട് ലോകകപ്പ് വിജയത്തില്‍ പങ്കാളിയുമായി. ഐ.പി.എല്ലില്‍ കിങ്‌സ് ഇലവന്‍ പഞ്ചാബിന്റെ താരമാണ് ഗെയ്ല്‍.