രോഹിത് ശര്‍മ ഇന്ത്യയുടെ ട്വന്‍റി 20 നായകനായില്ലെങ്കില്‍ നഷ്ടം ഇന്ത്യക്കെന്ന് ഗൗതം ഗംഭീര്‍...രോഹിത് ശര്‍മയെ നിര്‍ബന്ധമായും ഇന്ത്യയുടെ ട്വന്‍റി 20 നായകനാക്കണമെന്ന് മൈക്കല്‍ വോണ്‍...വിരാട് കോഹ്‌ലിയുടെ നയകസ്ഥാനത്തിന്റെ ദിനങ്ങൾ എണ്ണപ്പെടുന്നു..രോഹിത് ശര്‍മയെ ഇന്ത്യന്‍ ട്വന്‍റി 20 ടീമിന്റെ നായകനാക്കണമെന്ന് ആവശ്യപ്പെട്ട് പ്രമുഖതാരങ്ങള്‍
രോഹിത് ശര്‍മയെ ഇന്ത്യന്‍ ട്വന്‍റി 20 ടീമിന്റെ നായകനാക്കണമെന്ന് ആവശ്യപ്പെട്ട് പ്രമുഖതാരങ്ങള്‍. നായകനായ ഏഴുവര്‍ഷത്തെ കാലയളവിനുള്ളില്‍ അഞ്ചാം ഐ.പി.എല്‍ കിരീടവും സ്വന്തമാക്കി ജൈത്ര യാത്ര തുടരുന്നതിന് പിന്നാലെയാണ് ആവശ്യമുയര്‍ന്നത്. സമാന കാലയളവില്‍ ബാംഗ്ലൂര്‍ റോയല്‍ ചാലഞ്ചേഴ്സിനെ നയിച്ച ഇന്ത്യന്‍ നായകന്‍ വിരാട് കോഹ്ലിക്ക് ഒരു ഐ.പി.എല്‍ ട്രോഫിയും എടുക്കാനായിട്ടില്ല.
''രോഹിത് ശര്‍മയെ നിര്‍ബന്ധമായും ഇന്ത്യയുടെ ട്വന്‍റി 20 നായകനാക്കണം. വിസ്മയിപ്പിക്കുന്ന മാനേജറും നേതാവുമാണയാള്‍. എങ്ങനെ ട്വന്‍റി 20 ജയിക്കണമെന്ന് അയാള്‍ക്കറിയാം. ഇത്വഴി കൂടുതല്‍ ആശ്വാസത്തോടെ കളിക്കാരനായി തുടരാന്‍ കോഹ്ലിക്കാകും'' -മുന്‍ ഇംഗ്ലണ്ട് നായകന്‍ മൈക്കല്‍ വോണ്‍ അഭിപ്രായപ്പെട്ടു. രോഹിത് ശര്‍മ ഇന്ത്യയുടെ ട്വന്‍റി 20 നായകനായില്ലെങ്കില്‍ നഷ്ടം അദ്ദേഹത്തിനല്ല, ഇന്ത്യക്കാണെന്ന് മുന്‍ ഇന്ത്യന്‍ ഓപ്പണര്‍ ഗൗതം ഗംഭീര്‍ തുറന്നടിച്ചു. പ്രകടനം നോക്കിയാല്‍ അഞ്ച് ഐ.പി.എല്‍ കിരീടങ്ങള്‍ നേടിയ രോഹിത് തന്നെയാണ് ക്യാപ്റ്റനാകേണ്ടതെന്നും ഗംഭീര്‍ കൂട്ടിച്ചേര്‍ത്തു.
മുംബൈ ഇന്ത്യന്‍സ് ലോകത്തെ ഏറ്റവും മികച്ച ട്വന്‍റി 20 ഫ്രാഞ്ചൈസിയാണെന്നും രോഹിത് ഏറ്റവും മികച്ച ക്യാപ്റ്റനാണെന്നും മുന്‍ ഇന്ത്യന്‍ ഓപ്പണര്‍ വിരേന്ദര്‍ സെവാഗ് അഭിപ്രായപ്പെട്ടു. നിലവില്‍ ഇന്ത്യയുടെ ടെസ്റ്റ്, ഏകദിന, ട്വന്‍റി 20 ടീമുകളെ കോഹ്ലിയാണ് നയിക്കുന്നത്. ഏകദിനത്തിലും ട്വന്‍റി 20യിലും രോഹിത്താണ് വൈസ് ക്യാപ്റ്റന്‍. അടുത്ത വര്‍ഷം ഓസ്ട്രേലിയയില്‍ ട്വന്‍റി 20 ലോകകപ്പ് നടക്കാനിരിക്കുകയാണ്.
https://www.facebook.com/Malayalivartha
