കോലിയെ 'കടലാസ് ക്യാപ്റ്റന്‍' എന്ന് വിശേഷിപ്പിക്കുന്ന ട്വീറ്റ് ലൈക്ക് ചെയ്തത് സൂര്യകുമാര്‍ യാദവ്; വിവാദത്തിന് പിന്നാലെ ലൈക്ക് റിമൂവ് ചെയ്തു താരം
ഇന്ത്യന്‍ നായകന്‍ വിരാട് കോലിയെ 'കടലാസ് ക്യാപ്റ്റന്‍' എന്ന് വിശേഷിപ്പിക്കുന്ന ട്വീറ്റ് ലൈക്ക് ചെയ്ത മുംബൈ ഇന്ത്യന്‍സ് താരം സൂര്യകുമാര്‍ യാദവ് വിവാദത്തില്‍. ഓസീസ് പര്യടനത്തിലെ പരിമിത ഓവര്‍ മത്സരങ്ങളില്‍ നിന്ന് രോഹിത് ശര്‍മ്മയെ മാറ്റിനിര്‍ത്തിയ പശ്ചാത്തലത്തില്‍ വിവാദങ്ങള്‍ നിലനില്‍ക്കെ സൂര്യയുടെ ഈ നീക്കം വേഗത്തില്‍ ചര്‍ച്ചയായി. എന്നാല്‍, കാര്യങ്ങള്‍ കൈവിട്ട് പോകും മുന്‍പ് താരം ലൈക്ക് റിമൂവ് ചെയ്തു.
ഇന്ത്യന്‍ ക്യാപ്റ്റന്‍ വിരാട് കോലിയും വൈസ് ക്യാപ്റ്റന്‍ രോഹിത് ശര്‍മ്മയും തമ്മില്‍ സ്വരച്ചേര്‍ച്ച ഇല്ലെന്ന് ഏറെക്കാലമായി അഭ്യൂഹങ്ങള്‍ ഉയരുന്നുണ്ട്. ഓസീസ് പര്യടനത്തില്‍ നിന്ന് രോഹിതിനെ ഒഴിവാക്കിയതും ചര്‍ച്ചയായി. ആഭ്യന്തര ക്രിക്കറ്റിലും ഐപിഎലിലും മികച്ച പ്രകടനങ്ങള്‍ നടത്തുന്ന സൂര്യകുമാര്‍ യാദവിനെ ടീമില്‍ പരിഗണിക്കാതിരുന്നതും ചര്‍ച്ചയായി. ഇതിന്‍്റെ കെട്ടടങ്ങും മുന്‍പാണ് പുതിയ വിവാദം.
അതേസമയം, രോഹിത് പൂര്‍ണമായും മാച്ച്‌ ഫിറ്റല്ല എന്നാണ് വിഷയത്തില്‍ ബിസിസിഐയുടെ വിശദീകരണം. രോഹിത് 70 ശതമാനം മാത്രമാണ് ഫിറ്റെന്നും ആളുകള്‍ക്ക് താരങ്ങളുടെ പരുക്കിനെപ്പറ്റി ധാരണയില്ലാത്തതു കൊണ്ടാണ് വിമര്‍ശിക്കുന്നതെന്നും ബിസിസിഐ അധ്യക്ഷന്‍ സൗരവ് ഗാംഗുലി പറഞ്ഞിരുന്നു.
നവംബര്‍ 27ന് ഏകദിന പരമ്ബരയോടെയാണ് ഇന്ത്യന്‍ പര്യടനം ആരംഭിക്കുക. ഡിസംബര്‍ നാലിനാണ് ടി-20 പരമ്ബര ആരംഭിക്കുക. മൂന്ന് വീതം ഏകദിന, ടി-20 മത്സരങ്ങളും നാല് ടെസ്റ്റ് മത്സരങ്ങളുമാണ് പര്യടനത്തില്‍ ഉള്ളത്. ടെസ്റ്റ് പരമ്ബരക്കിടെ ക്യാപ്റ്റന്‍ വിരാട് കോലിക്ക് ബിസിസിഐ പറ്റേണിറ്റി ലീവ് അനുവദിച്ചിട്ടുണ്ട്. നാല് ടെസ്റ്റ് മത്സരങ്ങളില്‍ അവസാന മൂന്നെണ്ണത്തിലും കോലി ഉണ്ടാവില്ല. കോലിയുടെ അഭാവത്തില്‍ രോഹിത് ശര്‍മ്മയെ ടീമില്‍ ഉള്‍പ്പെടുത്തിയിട്ടുണ്ട്.
https://www.facebook.com/Malayalivartha
