ഇന്ത്യയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ ടോസ് നേടി കരുതലോടെ ബാറ്റിങ് ആരംഭിച്ച ഇംഗ്ലണ്ടിന് തിരിച്ചടി. ഇരുപത്തിമൂന്നാം ഓവര്‍ വരെ കരുതലോടെ ബാറ്റ് ചെയ്ത സന്ദര്‍ശകര്‍ക്ക് ക്ഷണത്തില്‍ രണ്ട് വിക്കറ്റ് നഷ്ടമായി. ലഞ്ചിന് പിരിയുമ്പോാള്‍ രണ്ടിന് 67 റണ്‍സ് എന്ന നിലയിലാണ് ഇംഗ്ലണ്ട്.

റോറി ബേണ്‍സ് (60 പന്തില്‍ 33), ഡാന്‍ ലോറന്‍സ് (പൂജ്യം) എന്നിവരാണു പുറത്തായത്.ഡോം സിബ്!ലി (96 പന്തില്‍ 26), ജോ റൂട്ട് ( അഞ്ച് പന്തില്‍ നാല്) എന്നിവര്‍ ക്രീസില്‍. 63 റണ്‍സിന്റെ ഓപ്പണിങ് കൂട്ടുകെട്ട് ഉണ്ടാക്കിയ ശേഷമാണ് ബേണ്‍സ് സിബ്!ലി കൂട്ടുകെട്ടു പിരിഞ്ഞത്.

റോറി ബേണ്‍സിനെ ആര്‍. അശ്വിന്‍ ഋഷഭ് പന്തിന്റെ കൈകളിലെത്തിക്കുകയായിരുന്നു. പിന്നാലെയെത്തിയ ഡാന്‍ ലോറന്‍സിനെ നിലയുറപ്പിക്കും മുന്‍പേ ഇന്ത്യ മടക്കി. ബുമ്രയുടെ പന്തില്‍ താരം എല്‍ബി ആകുകയായിരുന്നു. പരുക്കേറ്റ അക്‌സര്‍ പട്ടേല്‍ ആദ്യ ടെസ്റ്റില്‍ കളിക്കുന്നില്ല. പകരം ജാര്‍ഖണ്ഡില്‍നിന്നുള്ള സ്പിന്നര്‍ ഷഹബാസ് നദീം ഇന്ത്യയ്ക്കായി കളിക്കുന്നുണ്ട്.