കോവിഡ് വിമുക്തമായ ന്യൂസിലാൻഡിൽ ഒരു പോസിറ്റീവ് കേസ് റിപ്പോർട്ട് ചെയ്തതോടെ രാജ്യം മുഴുവൻ തീവ്രമായ കരുതലിൽ. ഇതിന്റെ ഭാഗമായി ന്യൂസിലാൻഡും ഓസ്‌ട്രേലിയയും തമ്മിൽ നടക്കേണ്ടിയിരുന്ന മൂന്നാം ട്വന്റി ട്വൻറിയും ന്യൂസിലാൻഡ് വനിതാ ടീമും ഇംഗ്ലണ്ട് വനിതാ ടീമും തമ്മിൽ നടക്കേണ്ടിയിരുന്ന ഏകദിന ക്രിക്കറ്റും ഓക്‌ലൻഡിൽ നിന്നും മാറ്റിവെച്ചു.

വെല്ലിങ്ങ്ടൺ ആണ് പുതിയ വേദി. ഓക്‌ലൻഡിൽ അലർട്ട് ലെവൽ 3 പ്രഖ്യാപിച്ചു. വെല്ലിങ്‌ടണിൽ കാണികളെ പ്രവേശിപ്പിക്കാതെ ആളൊഴിഞ്ഞ സ്റ്റേഡിയത്തിൽ ആയിരിക്കും മത്സരങ്ങൾ നടക്കുക.

ന്യൂസിലാൻഡ് പ്രധാനമന്ത്രി ജെസീന്ത ആർഡൺ ആരോഗ്യമന്ത്രാലയത്തിന്റെ നിർദ്ദേശപ്രകാരം ഓക്‌ലൻഡിൽ ലെവൽ 3 ലോക്ക് ഡൗൺ പ്രഖ്യാപിച്ചിരിക്കുകയാണ്.

നിലവിൽ അഞ്ച് മത്സര ട്വന്റി ട്വന്റി പരമ്പരയിൽ രണ്ട് മത്സരങ്ങൾ ജയിച്ച് പരമ്പരയിൽ 2-0 ലീഡിൽ ആണ് ന്യൂസിലാൻഡ്.