വിജയ് ഹസാരെ ട്രോഫി; കേരളത്തിന് തകർപ്പൻ ജയം;ബീഹാറിനെ തകർത്തത് 9 വിക്കറ്റിന്
പ്ലേയ് ഓഫ് പ്രതീക്ഷ നിലനിർത്തുന്നതിന് വിജയം അനിവാര്യമായി ഇറങ്ങിയ കേരളം വിജയ് ഹസാരെ ക്രിക്കറ്റ് ട്രോഫിയിൽ ബീഹാറിനെ ഒൻപത് വിക്കറ്റിന് തോൽപ്പിച്ചു. 149 റൺസ് വിജയലക്ഷ്യവുമായി ഇറങ്ങിയ കേരളാ ബാറ്റ്സ്മാൻമാർ കേവലം 8.5 ഓവറിൽ കളി തീർത്തു.
കേരളത്തിന് വേണ്ടി റോബിൻ ഉത്തപ്പ 32 പന്തിൽ നിന്നും 87 റൺസ് എടുത്ത് തീപ്പൊരി പ്രകടനം കാഴ്ചവെച്ചു. വിഷ്ണു വിനോദ് 12 പന്തിൽ നിന്നും 37 റൺസും സഞ്ജു സാംസൺ 9 പന്തിൽ നിന്നും 24 റൺസ് നേടിയും അടിച്ചു തകർത്തു.
നേരത്തെ ടോസ് നേടി ബീഹാറിനെ ബാറ്റിങ്ങിന് അയച്ച കേരളത്തിന് വേണ്ടി എസ്.ശ്രീശാന്ത് മികച്ച ബൗളിംഗ് പ്രകടനം കാഴ്ച വെച്ചതിന്റെ പിൻബലത്തിൽ ബീഹാറിനെ വെറും 148 റൺസിന് എറിഞ്ഞൊതുക്കുകയായിരുന്നു. ജലാജ് സക്സേന മൂന്ന് വിക്കറ്റ് നേടി. നിധീഷ് രണ്ടും അക്ഷയ് ചന്ദ്രൻ ഓരോ വിക്കറ്റും വീതം വീഴ്ത്തി.
നിലവിൽ സി ഗ്രൂപ്പിൽ 16 പോയിന്റോടെ ഒന്നാമതാണ് കേരളം. ഇനിയുള്ള എല്ലാ മത്സരങ്ങളും വിജയിച്ചാൽ മാത്രമേ കേരളത്തിന് പ്ലേയ് ഓഫിൽ പ്രവേശിക്കാൻ കഴിയൂ.
https://www.facebook.com/Malayalivartha