ട്വന്റി20 ലോകകപ്പിന്റെ സൂപ്പര് പോരാട്ടങ്ങള്ക്ക് ഇന്ന് തുടക്കമാവും
ട്വന്റി20 ലോകകപ്പിന്റെ സൂപ്പര് പോരാട്ടങ്ങള്ക്ക് ശനിയാഴ്ച തുടക്കമാവും. യു.എ.ഇയിലെ ദുബൈ, അബൂദബി, ഷാര്ജ അന്താരാഷ്ട്ര സ്റ്റേഡിയങ്ങള് ആതിഥ്യം വഹിക്കുന്ന സൂപ്പര് 12 റൗണ്ട് മത്സരങ്ങള്ക്ക് ശനിയാഴ്ച ആസ്ട്രേലിയ-ദക്ഷിണാഫ്രിക്ക നേരങ്കത്തോടെയാണ് തുടക്കമാവുക.
ശനിയാഴ്ചയിലെ രണ്ടാം മത്സരത്തില് ഇംഗ്ലണ്ടും വെസ്റ്റിന്ഡീസും ഏറ്റുമുട്ടും. ലോകം കാത്തിരിക്കുന്ന ഇന്ത്യ-പാകിസ്താന് പോരാട്ടം ഞായറാഴ്ച വൈകീട്ട് 7.30നാണ്.
ടൂര്ണമെന്റിന്റെ പ്രാഥമിക റൗണ്ട് പോരാട്ടങ്ങള്ക്ക് നേരത്തേ തുടക്കമായിരുന്നു. രണ്ടു ഗ്രൂപ്പുകളിലായി മത്സരിച്ച എട്ടു ടീമുകളില്നിന്ന് സ്കോട്ലന്ഡ്, ബംഗ്ലാദേശ്, ശ്രീലങ്ക, അയര്ലന്ഡ് ടീമുകള് സൂപ്പര് 12 റൗണ്ടിലേക്ക് മുന്നേറിയിട്ടുണ്ട്.
12 ടീമുകളെ രണ്ടു ഗ്രൂപ്പുകളായി തിരിച്ചാണ് ഇനിയുള്ള പോരാട്ടങ്ങള്. ഗ്രൂപ് ഒന്നില് ഇംഗ്ലണ്ട്, ആസ്ട്രേലിയ, ദക്ഷിണാഫ്രിക്ക, വെസ്റ്റിന്ഡീസ്, ബംഗ്ലാദേശ്, ശ്രീലങ്ക എന്നിവയും രണ്ടില് ഇന്ത്യ, പാകിസ്താന്, ന്യൂസിലന്ഡ്, അഫ്ഗാനിസ്താന്, സ്കോട്ലന്ഡ്, നമീബിയ എന്നിവയുമാണുള്ളത്. ഇരു ഗ്രൂപ്പുകളിലും മുന്നിലെത്തുന്ന ടീമുകള് സെമിഫൈനലിലേക്ക് മുന്നേറും. ഫൈനല് നവംബര് 14നാണ്.
er
https://www.facebook.com/Malayalivartha
